Canwio Hywel

Afon Sawdde, Dydd Sadwrn 31 Rhagfyr 2011

2012-01-01T00:08:00.002Z

Cofnodais y daith hon ar flog Padlwyr y Ddraig: cofnod ar flog Padlwyr y Ddraig

Afon Wysg, Dydd Sul, 27 Tachwedd

2011-11-30T21:57:00.003Z

Es gyda Rob G a chwrdd â Colin a Sue, a thri o aelodau Clwb Caerdydd: Steve, Tony a Gethin. Roedd digon o ddŵr yn yr afon er ei bod o dan gymedr y gaeaf yn ôl y mesurydd yn Llanddeti.

Afon Teifi, Dydd Sadwrn 29 Hydref 2011

2011-11-30T21:54:00.001Z

Ysgrifennais yn Saesneg am y daith hon ar flog Padlwyr y Ddraig:

Neyland- Hwlffordd, Dydd Sul 23 Hydref 2011

2011-10-24T23:40:00.006+01:00

Awgrymodd Andrew B y daith hon, lan Afon Cleddau. Roedd hi fod yn ddistyll yn Neyland tua 10 ac yn benllanw (rhwng Springs a Neap) tua 16.00. Parciais fy nghar yn Hwlffordd a gyrron ni i lawr i Neyland a pharcio ger y clwb hwylio. (Roedd yr afon yn llifo'n gryf yn Hwlffordd ac roeddwn yn gobeithio'n fawr na fyddai fel hynny pan gyrhaeddem yn ôl).

Roedd y gwynt yn eithaf cryf, F4 neu'n fwy o'r de de ddwyrain ac o'r herwydd, ar ein cefnau bron yr holl amser. 2 awr 35 munud o badlo ac fe gyrhaeddodd Hwlffordd. Roedd yr aber yn braf, yn enwedig yr holl adar, gwyddau'n bennaf ond ambell gylfinir, ger Milffwrdd Bach, a'r corsennau tal - 8 troedfedd? - ar ddwy ochr yr afon wrth nesáu at Hwlffordd. Dewis da o daith gyda'r tywydd oedd gennym.

Ynys Echni, Dydd Sul 16 Hydref

2011-10-24T23:29:00.005+01:00

Taith arall i'r ynys hoff, ar fy mhen fy hun eto'r tro hwn. Gadewais Swanbridge'n gynnar am 08.40. Roedd yn llanw Spring a phan gyrhaeddais glanfa'r ynys doedd dim traeth ar ôl. Cerddais o gwmpas ond chwrddais i â neb, er i mi weld merch yn mynd allan o'r ffermdy. Arhosais i ddim yn hir. Oherwydd y llanw Spring, barnais y byddai'n well i mi adael yn gynnar fel bod llai o berygl y byddai'r gwynt yn erbyn y llanw'n cynhyrchu môr mwy garw nag y byddwn yn hoffi. Gadewais tua 40 munud ar ôl penllanw ac roedd y môr yn eithaf llonydd ar y dechrau ond aeth ychydig yn waeth ar ôl 30 munud o badlo. Taith braf arall wrth gwrs!
Neges Twitter a llun llong
Neges Twitter a llun o Swanbridge

Y llwybr:
map Google

Kingsbridge, Sad-Sul 1-2 Hydref 2011

2011-10-24T22:48:00.014+01:00

Es i gwrdd ag Eurion a Chris yn sioe canwio Caerwysg ble roedd E wedi trefnu cwrdd â dyn o Lundain, Paul, i drafod y syniad o badlo o gwmpas Prydain gydag e. Ar ôl rhyw awr gadewais a gyrru ymlaen i Kingsbridge. Ces bryd o fwyd yn y bar ar ben y cei a pharatoi fy mhethau i wersylla dros nos. Daeth y lleill, gadewais fy nghar wedi ei barcio ar stryd gerllaw, a gyrron ni ymlaen i Thurlestone Sands. Aethom ar y môr tua 17.30 a phadlo i'r dwyrain am ryw awr nes cyrraedd Bae Soar.
Gwersyllom dros nos yno, wedi codi ein pebyll ar y tir uwchben y traeth.
Bore yfory roeddem ar y dŵr am 07.45. Padlom ymlaen a chyrraedd Kingsbridge am 10.00, ryw awr cyn penllaw. Rhan fwyaf anodd y penwythnos oedd cadw ar dddihun wrth yrru adre.

Y llwybr:
map Google

O dan ail Bont Hafren, Dydd Sul, 18 Medi 2011

2011-09-20T21:08:00.008+01:00

Cwrddais â Wayne, Debbie a Ralph o Glwb Canwio Gogledd Avon am 08.00 ger Traeth Hafren. Roedd i fod yn benllanw ger Aust am 11.14. (Roedd rhwng Neaps a Spring a gwahaniaeth o tua 11m rhwng penllanw a'r distyll).

Anelom am y buoys oedd yn marcio'r "Shoots" i'r gorllewin ond yn fuan fe ysgubodd y llanw ni o dan y bont. Croeson ni'r afon a mynd i fyny Afon Gwy. Glaniom yng Nghasgwent er mwyn ymestyn ein coesau. Roedd yn rhaid i ni symud ein cychod o'r ffordd ar y gangway gan fod parti angladd o Asiaid ar fin mynd â llwch i'w wasgaru yn Afon Hafren. Aethom ymlaen wedyn, heibio i gastell Casgwent i'r gogledd nes i'r llanw droi. Aethom i lawr wedyn a glanio ar Graig y Capel a chael cinio, cyn mynd yn ôl.

Es i a Wayne am beint wedyn, yn y King's Arms mewn pentref cyfagos, er nad oes gen i syniad ble.

Yn y gorllewin, 30 Awst - 1 Medi

2011-09-02T23:15:00.016+01:00

30 Awst, es ar fy mhen fy hun i Ynys Býr: Ychydig iawn o wynt ges i a'r môr yn llonydd dros ben ar y ffordd allan ac es heibio i'r Woolhouse Rocks lle roedd nifer o forloi. Es glocwedd o gwmpas Ynys Bŷr (y tro cyntaf i mi fynd y cyfeiriad hwnnw) a gweld llawer o forloi.

Gwersyllais yn Hendre Eynon ger Tý Ddewi y noson honno, a phadlo gyda Col a Sue E, a Nick K. o Boppit (Aberteifi i Barrog) ar Dydd Mercher 31 Awst. Gwelom ugeiniau o forloi. Llwyddom hefyd ddod o hyd i "Bwll y Wrach", sef yr enw ar gylch lle roedd to hen ogof wedi disgyn.

Y noson honno gwersyllais yn Poppit. Roedd y machlud yn rhyfeddol gan fod ffenestri llawer o dai ochr Gwbert yr aber yn adlewyrchu'r haul gymaint fel yr edrychent fel goleuadau coch llachar. Cerddodd (fi, C a S) i westy'r Webley gerllaw gan ddisgwyl bwyta yno (gan fod arwyddion y tu allan yn hysbysebu bod bwyd ar gael) ond pan gyrhaeddom cawsom wybod nad oedd bwyd ar gael yno y noson honno. Da i ddim. Es i nôl y car ac ymlaen â ni at yr White Hart Inn. Roedd yn 20.55 ond mynnon nhw ei bod yn 21.00 ac nad oedd bwyd ar gael gan ei bod yn 21.00. Da i ddim. Yn y diwedd cawsom sglodion o Landudoch (Bowens). Cymry yno, a bwyd da. Lwcus nad oedd hwyrach na 21.30 neu fe fyddem wedi bod allan o lwc eto.

Padlom o Aberporth i Boppit y diwrnod wedyn. Amneidiodd ddyn ar gwch atom ar y dechrau i ni fynd ato ac fe ofynnodd i ni beidio fynd ymlaen gan y byddem yn saethu taflegyrn am 14.00. Gan ei fod o gwmpas 12.30 dywedom y byddem yn mynd ymlaen gan y byddem o'r ffordd erbyn 14.00. Gwelom ddolffin ger Aberporth a ger y Mwnt. Er ein bod wedi sefyll am 14.00 i weld lansiad y taflegryn, welon ni ddim ond clywed ffrwydrad a sŵn y taflegryn (fel awyren) wedyn. A gwelom fabi morlo mawr mewn ogof ger Gwbert.

Ynys Echni, Dydd Gwener 19 Awst

2011-09-02T23:09:00.005+01:00

Tro Euros oedd cael benthyg cwch Rob oedd hi ac aethom i Ynys Echni, gan fynd gyda'r trai o Benarth. Roedd y môr yn eithaf llonydd y ddwy ffordd. Agordd Matt dafarn y Gull a Leek inni gael peint o Gwrw Haf Tomos Watkin yr un. Treuliom gwpl o oriau ar yr ynys ac felly doedd effaith y cwrw ddim yn andwyol i'n medrau padlo ar y ffordd yn ôl.

Cofnod Twitter a llun Euros

Roedd y llanw'n isel a datgelwyd lloriau'r bylchau ger y lanfa. Dyma lun yr un allanol a chledrau a darnau haearn eraill i'w gweld.

Y Mwmbwls, Dydd Sul 14 Awst

2011-09-02T23:02:00.004+01:00

Gan fy mod wedi cael benthyg cwch Rob tra ei fod ar ei wyliau, cafodd Iestyn gyfle ddod gyda fi ac aethom o'r Mwmbwls i Caswell ac yn ôl. Doedd e erioed wedi bod mewn cwch môr o'r blaen a ddim wedi ceufadio o gwbl ers fod ar Afon Tryweryn 4 blynedd ynghynt ac fe ymgyfarwyddodd yn dda. Daeth mâs o'i gwch yn yr ychydig o syrff pan laniom yn Caswell ond roedd fel hen law ar y ffordd yn ôl, gan syrffio'r ymchwydd oedd gyda ni(a'r gwynt ar ein cefnau).

Tryweryn, Dydd Sul 7 Awst

2011-09-02T22:57:00.003+01:00

Es lan ar nos Sadwrn a gwersylla ar safle Tyn-y-gornel fel arfer. Ceufadais â Colin a Sue E a'u ffrind Cedric a'i ferch Emily, gan fynd o'r top i'r gwaelod gyda Col a Sue a cheufadio'r top gyda'r ddau arall wedyn. Ces beth cyffro wrth orfod cwrso padl Emily ar ôl i'w rol fethu yn y Fynwent.

Tua Phenarth, Dydd Sul 24 Gorffennaf

2011-09-02T22:51:00.003+01:00

Wedi bwriadu mynd i Ynys Echni gyda Paul C.J., Paul arall ac aelod arall o Wyebother ond rhoddodd yr olaf y gorau cyn inni gyrraedd Ynys Sili (hen nam ar ei gefn) ac wedyn barnodd y ddau arall ei fod yn rhy arw iddynt - roedd yn ymylu ar F4 weithiau. (Cyn i hynny ddigwydd es i mewn llinyn pysgota ac aeth ei fachyn yn sownd yn y plastig ger cefn y cwch). Aethom am dro tua Phenarth yn lle.

Ynys Echni, Dydd Sul 10 Gorffennaf

2011-07-10T23:26:00.004+01:00

Gyda Rob eto, tywydd eitha, gwynt F3. Roedd yn weddol arw ar y ffordd yn ôl ond ddim cynddrwg â'r tro blaeonorol.

Sir Benfro, Dydd Sadwrn 2 - Dydd Llun 4 Gorffennaf

2011-07-10T23:21:00.004+01:00

Gyrrais i Sir Benfro ddiwedd prynhawn Dydd Sadwrn a gwersylla yn Hendre Einon. Es am dro allan o Abereiddi y noson honno:

Daeth Rob G i badlo Dydd Sul ac aethom o gwmpas Ynys Dewi:

Roeddwn ar fy mhen fy hun eto Dydd Llun:

Ynys Echni, 11 Mehefin

2011-07-10T23:18:00.002+01:00

Es gyda Rob:

Mwmbwls, 5 Mehefin

2011-07-10T23:13:00.003+01:00

Es gyda Paul a Paul, y ddau Paul yn aelodau o Wye Bother, un ohonynt yn gadeirydd/ysgrifennydd ar y clwb. Gwnaethom y daith arferol o'r Mwmbwls at Bwll Du ac yn ôl. Ymarferom rolio ar y ffordd yn ôl wedi dod o gwmpas ynys y Mwmbwls.

Ynys Echni, 24 Ebrill 2011

2011-05-29T23:50:00.006+01:00

Es gyda Rob am daith fer. Daeth bad achub atom ar y ffordd yn ôl a holi lle roedd y cwch gwag. Eu cyfeirio at y 3 arall oedd wedi eu gweld yn gadael Swanbridge a mynd o gwmpas Ynys Rhonech. Pan oeddem yn ôl yn Swanbridge cwrddom â dau ohonynt, Stu a Taran, a dysgu bod y trydydd wedi ei daro'n sâl ar y ffordd yn ôl a bod RIB o'r Bae wedi ei gludo yn ôl gan adael y cwch oedd wedi ei achub wedyn gan y RNLI. Yr hanes gan Taran yma: Hanes Taran

Ynysoedd Rhonech ac Echni, Sul, 17 Ebrill 2011

2011-05-29T23:37:00.006+01:00

Gydag Eurion, taith geufadio wych heddiw, 18 milltir i gyd, cylch o Benarth i Ynysoedd Echni a Rhonech

Ynys Echni, Dydd Sul, 10 Ebrill 2011

2011-05-29T23:35:00.004+01:00

Padl a diwrnod braf ar Ynys Echni heddiw. Dydy'r wylanod ddim yn ymosodol eto.Llun y baracs

Swanbridge, Dydd Sul, 6 Mawrth 2011

2011-05-29T23:28:00.003+01:00

Oherwydd drewdod y tân yng Nghaerdydd, wedi padlo gyda Rob ar y môr o Swanbridge yn lle ar y Bae fel roeddwn wedi bwriadu. Prynhawn braf iawn. Roedd f'ysgwydd yn boenus am wythnosau ar ôl y daith hon. Rhaid fy mod wedi tynnu cyhyr neu rywbeth. O ganlyniad, gorffwysais e trwy beidio â phadlo eto am rai wythnosau.

Afon Wysg, Dydd Sul 20 Chwefror 2011

2011-05-29T23:23:00.004+01:00

Taith o Dal-y-bont i Grughywel gyda Colin a Sue, John C a Gareth. Lefel y dŵr braidd yn isel. Dyma'r tro cyntaf erioed i mi lanio ar ochr dde'r afon uwchben y bont olaf.

Afon Taf, Dydd Sadwrn 19 Chwefror 2011

2011-05-29T23:12:00.005+01:00

Taith oedd wedi ei threfnu gan un o ferched Padlwyr y Ddraig (Amber) oedd hon ac fe ddenwyd torf fawr. Hyd y cofiaf (a finnau'n cofnodi hon ar 29 Mai!) roedd Andy R, John O', Emlyn, Steve White a'i ffrind, Paul Mac, Nick B, tab Amber sef Rhys, Jon a Lewis,a llawer o rai eraill! Roedd y dŵr yn rhy uchel a dweud y gwir a'r afon wedi ei golchi allan. Rhannon ni'n ddau grŵp a dim ond yr ail aeth dros gored Rhadyr. Arweiniodd Nick B ni drosodd bron yn y canol. Yn fuan wedyn, trodd John O' drosodd ac fe achubais i fe. Ymhellach ymlaen, ymarferodd lawer nofio yn yr afon ychydig heibio i bont. Sai'n cofio dim arall!

Afon Gwy, Dydd Sul, 13 Chwefror 2011

2011-05-29T23:01:00.004+01:00

o Ddernol at Raeadr Gwy. Dim llawer o ddwr yn yr afon=ddim yn gyffrous iawn. 2 awr yn padlo, 3 awr 30 m o yrru. Gyda Colin a Sue, John C, Rob, Emlyn a Gareth. Stopion ni yn y dafarn yn y Bont-newydd ar Wy ar y ffordd yn ôl a gwylio'r gêm rhyngwladol.

Afon Tarell, Dydd Sul 6 Chwefror 2011

2011-02-06T22:30:00.004Z

Teithiais gyda Rob yn ei gar a chwrdd ag Emlyn a John C. yn y garej ar yr A470. Roedd wedi bod ar fy meddwl mynd ar Afon Irfon ond penderfynon fynd ar afon gyfarwydd yn lle gan ei feddwl, o ystyried mor stormus oedd y dydd, y byddai anialwch ardal Abergwesyn braidd yn rhy wyllt. Afon Tarell oedd ein dewis ac wrth fynd heibio i'r Storey Arms a gweld y nentydd yn tywallt gwyddem y byddai digon o ddŵr - ond a fyddai gormod? Lawr â ni i gael golwg ar yr afon ger yr ystad diwydiannol y tu allan i Aberhonddu ac edrychai'r lefel yn berffaith: y graig ar yr ochr chwith i'r stoper o dan y bont wedi gorchuddio digon i olygu y byddai gobaith mynd y ffordd honno i osgoi'r stoper.

Roedd y dechrau - 200m efallai? yn wych ond yn anffodus yn rhy wyllt i Emlyn a nofiodd. Cymrodd mwy na 200 mae'n debyg cyn i mi lwyddo gael ei gwch i'r lan. Wedyn collais i'r plwg o gefn ei gwch wrth ei wagio a bu'n rhaid dyrchu yn fy mag am dap duct i orchuddio'r twll.

Ymhellach ymlaen, golygai dwy goeden ar draws yr afon fod yn rhaid i ni gario heibio iddynt, a sawl rhwystr arall a roddodd naws expedition i'r daith i gyd. Y cyffro i mi oedd i mi geisio fynd heibio i foncyff ar yr ochr chwith a gweld pan oedd yn rhy hwyr fod y boncyff yn agos i'r wyneb lle bwriadwn fynd. Er i mi bron â llwyddo gael y cwch dros y top, methu wnes ac fe lithrodd yn ôl i'r dde a'm gadael yn sownd wrth ochr y boncyff. Er i mi ddal fy hun yno am ychydig penderfynais y byddai'n rhaid i mi droi drosodd a gobeithio cael f'ysgubo'n ddigel odanodd (fel a wnaeth Aled ar y daith ddiweddar ar Afon Honddu).. Tynnais y spraydec yn rhydd cyn troi drosodd a gollwng fy mhadl. Yn ffodus fe es o dano'n ddirwystr a llwyddo fflicio fy hunan yn ôl i fyny, a dod o hyd i'm padl. Digon o gyffro. Cymeron ni tua 2 awr i gyd.

Roedd gweddill y daith yn ddiddigwyddiad i bawb diolch byth. Ymweliad arall â thafarn Tai'r Bull. Wedi penderfynu erbyn hyn ei fod yn lle braidd yn rhyfedd. Ar agor y tro hwn ond y byrddau yn y bar i gyd wedi eu cadw (am 14.30) (a dim cwrw chwerw gan fod problem gyda'r nwy CO2). Neb wedi cyrraeddd y lleoedd wedi eu cadw wrth i ni ymadael am 15.15!

Afon Ysgir, Dydd Sul, 16 Ionawr

2011-01-18T21:58:00.001Z

Taith dda yng nghwmni John C, Emlyn, Gareth, Colin a Sue E. Cododd y dŵr yn ystod y daith o 4 i 4.5 ar y mesurydd wrth y gored. Tua'r lefel isaf dderbyniol yw hon. Rhoddon ni i mewn ym Mhontfaen, fel arfer a theithio i lawr i Afon Wysg i orffen yn Aberhonddu. Cymerodd y daith tua 2 awr a chwarter. Nofiodd Emlyn a bu bron i mi gael fy llyncu gan stoper ond heblaw am hynny, di-ddigwyddiad oedd y daith. Stopion ni yn Nhai'r Bull am beint wedyn.

Afon Honddu, Sadwrn 8 Ionawr

2011-01-18T21:56:00.000Z

Cofnodais y daith hon ar flog Padlwyr y Ddraig: http://dragon-paddlers.blogspot.com/2011/01/afon-honddu-saturday-8-january-2011.html

Bae Dwnrhefn, Dydd Sadwrn (Calan), 2011

2011-01-07T20:56:00.000Z

Cwrddiais ag Eurion a Chris C. eto, a phadlo a "Nige" am y tro cyntaf. O gwmpas 8 gradd yn yr awyr a'r dwr, a'r tonnau'n eithaf bach ac anfynych - ond hynny'n fy siwtio i'r dim. Synnais fy hun wrth aros ar y dwr mor hir â phawb arall, ryw 90 munud, er fy mod wedi diodddef o'r cwlwm gwythi o fewn cwta 10 munud pan droes drosodd a gorfod rolio.

Afon Taf, Dydd Iau 30 Rhagfyr

2010-12-30T21:30:00.000Z

Roeddwn yn falch o gael cwmni John C fel y gallwn fynd ar afon heddiw a dewisom Afon Taf gan fod y ddau ohonom yn ddiegni. Roedd lefel y dŵr yn rhesymol - ychydig yn uwch na chymedr y gaeaf, 5 isaf ar fesurydd cored Abercynon. Wedi gweld glas y dorlan a chrehyrod di-ri.

Swanbridge-Penarth, Dydd Sul 12 Rhagfyr 2010

2010-12-12T20:53:00.000Z

Yng nghwmni Rob y tro hwn. Ein bwriad oedd mynd i Ynys Echni ond pan gyrhaeddom Swanbridge roedd yr ynys newydd ddiflannu o'r golwg yn y niwl. Gan fy mod yn cofio fod swyddfa'r tywydd wedi rhybuddio y gallai niwl bara drwy'r dydd penderfynom beidio â mentro. Aethom i Benarth: 1 awr 15 munud yno, 30 munud yn ôl. (Roedd y gwynt yn ysgafn F2 ar ein cefnau ar y ffordd yn ôl ond mae'n debyg mai'r llanw oedd y prf ddylanwad).

Afon Wysg, Dydd Sul 20 Tachwedd

2010-12-12T20:49:00.000Z

O Dal-y-bont ar Wysg i Grughywel y tro hwn yng nghwmni John C, Gareth, Emlyn, Colin a Sue, Alan Brown a Jeff Lister. Lefel y dŵr yn dda, tipyn yn uwch na chymedr y gaeaf on ddim mor uchel fel bod nodweddion goraur afon wedi golchi allan. Peint dymunol yn nhafarn y Bridge wedyn.

Afon Senni/Wysg, Dydd Sadwrn 13 Tachwedd

2010-12-12T20:47:00.001Z

Rhoddais yr hanes ar flog Padlwyr y Ddraig:

Afon Afan, Dydd Sul 7 Tachwedd 2010

2010-12-12T20:42:00.000Z

Ces gwmni John C, Emlyn a Gareth. Diwrnod braf, lefel y dŵr yn weddol isel - byddai wedi bod modd i ochr dde'r afon ger y bibell i'w chroesi.

Taith Afon Teifi, Dydd Sadwrn 30 Hydref 2010

2010-12-12T20:40:00.000Z

Ysgrifennais yr hanes ar flog Padlwyr y Ddraig:

Y Mwmbwls, Dydd Sul 24 Hydref 2010

2010-10-25T00:00:00.001+01:00

Taith yng nghwmni Rob a Colin y tro hwn. Gadawom ryw hanner awr cyn y distyll (oedd o gwmpas 13.30) a mynd i Bwll Du i gael cinio. Cyffro ar ddiwedd y daith wrth i mi glywed cwch y Bealge'n galw Gwylwyr y Glannau i ddweud eu bod wedi gweld dau o bobl ar ynys y Mwmbwls a'r llanw wedi dod i mewn fel na fyddent yn gallu mynd o'na. Galwais i nhw ar y VHF a chytuno gyda nhw a'r Gwylwyr yr awn i mewn yn nes i'w rhybuddio. Ar ôl gweiddio a chwifio fy mhadl arnynt fe godon nhw o'u eistedd (ger hen safle'r magnel) a cherddod yn ôl at ble croeson nhw. Roedd dau geufadiwr arall ger y Beagle, un ag VHF, ac roedd yr un heb y VHF wedi eu cyrraedd ychydig o'm blaen. Bachgen a merch o Galicia oedd yno a, na, doedden nhw ddim wedi bwriadu aros 12 awr. Galwais Wylwyr y Glannau i adrodd yr hanes ac fe drefnon nhw i RIB y RNLI fynd i'w nôl. Wow, cyffrous! Cofnod RNLI y Mwbwls: https://www.google.com/calendar/event?eid=NTBodXBtcTl1a2NwaDZzbXJha2NpN3ZpZHMgb2JvODNoaGtlMG5hbjN0MjgyNHZpbjc5cGNAZw&ctz=Europe/London

Ynys Echni, Dydd Sul 17 Hydref

2010-10-24T23:47:00.000+01:00

Roedd e wedi bod yn ddiwrnod braf y diwrnod cynt ac fe barhaodd y tywydd yn braf ar Ddydd Sul. Cwrddais ag Eurion ac Adrian ryw awr cyn penllanw (neaps cymedrol) iawn ger y Captain's Wife ac aethom gwrthglocwedd o gwmpas yr ynys am newid. Holais y warden Matt pan laniais am ymweliad ar wib am achos trigo'r ddafad ddiwedd mis Awst. 'Bloat' oedd y broblem meddai fe. Wrth ymadael daeth Neal ataf - roedd e a'i deulu lawr ar y traeth i fynd i'r cwch, ar ôl iddynt ymweld â'r ynys am daith diwrnod. Ac yn ôl â ni am ddiod yn y Captain's Wife. Diwrnod da arall - fel y bydd bron pob ymweliad ag Ynys Echni i mi.

Chwarae yn nŵr Afon Wysg, 16 Hydref

2010-10-24T23:44:00.000+01:00

Ymunais â rhai o aelodau'r clwb yn ymarfer achub ayb yn (yn hytrach nag ar ) Afon Wysg yn Aberhonddu. Tipyn o hwyl oedd y nofio, er i mi lyncu cegaid o ddŵr a dyfalu wedyn a fyddwn yn sâl y diwrnod canlynol.

Southerndown - Craig Tusker, Dydd Sul 26 Medi

2010-09-27T23:37:00.000+01:00

Taith gydag Emlyn, Eurion a Paul. Roedd Paul wedi dod i gysylltiad â fi trwy Badlwyr y Ddraig yr wythnos gynt am ei fod wedi troi o afonydd i badlo ar y môr yn ddiweddar. Ar awgrym Eurio, aethom mâs at fwoi "Mid Nash" i ddechrau, tua dwy filltir o'r lan. Cawsom gymorth gan y gwynt F2/3 o'r gogledd-orllewin a oedd yn gwrthwiethio effaith y llanw. Ar ôl mynd o gwmpas y bwoi troiom i'r gorllewin tuag at graig Tusker. Daethom ar draws ddarn garw lle syrffiom ychydig gan geisio mynd i'r gogledd. Weithiodd hynny ddim ac fe benderfynom droi a mynd trwy'r tonnau. Aethom trwy'r dŵr garw yn sydyn wedyn. Cyrhaeddom Tusker pan oedd hi'n ddistyll mwy neu lai (tua 14.30 - ac roeddem wedi cychwyn tua 12.50). Cawsom frechdan a sylwi ar lawer o grancod cragen yn y pyllau. Pan gyrhaeddom yn ôl roedd ychydig o syrff - hen ddigon i geufadau'r môr! -ac fe dreuliom dipyn o amser yn chwarae. Diwnod braf a llawer o hwyl.

Kimmeridge Dydd Sadwrn 18 Medi 2010

2010-09-18T23:34:00.000+01:00

Es i â Rob, gan adael Caerdydd tua 8 a llwyddo bod ar y dŵr ychydig cyn 12. Roedd yn ddiwrnod braf trwy'r dydd ond yn arbennig tan tua 13.30 pan gyrhaeddom fae Lulworth. Tan i ni gyrraedd Mupe Rocks roedd y môr bron â bod yn hollol lyfn ond ar ôl y creigiau trodd i fod ychydig yn fwy garw ac fe gododd y gwynt i fod yn F3 weithiau i'n hwynenebau. Glaniom am ginio ger y caffi ym mae Lulworth. Roedd rhyw 15 ceufad ar y traeth pellaf gyferbyn a daeth rhyw 15 arall i'r traeth lle roeddem ni. Aethom ymlaen wedyn at Durdle Door, bŵa anferth mewn craig oedd yn ymestyn i'r môr. Roedd sawl bŵa bach wedi bod cyn hwnnw hefyd. Ymlaen â ni at fan bellaf ein taith, sef "Bat's Hole", twll drwy benrhyn bach, ac aethom trwyddo un ffordd, troi rownd a dod nôl. Roedd y gwynt ar ein cefnau nawr, a'r llawn gyda ni. Stopion ar draeth arall ym mae Lulworth ar y ffordd yn ôl a chyrraedd Kemmeridge tua 18.00. Taith o 14nm, 28k.

Y Mwmbwls, Dydd Sul 12 Medi 2010

2010-09-12T23:40:00.000+01:00

Ar fy mhen fy hun eto. Yr un daith â'r tro diwethaf i mi fynd ond y tro hwn o bobtu i'r distyll: gadael rhyw awr cyn y distyll. Sylwais ar yr overfall mawr ymhellach allan o'r Mwmbwls ac roedd hi'n gweithio ar y ffordd allan ac ar y ffordd yn ôl pan oedd y llanw wedi troi. F3 i'm wybeb ar y ffordd allan a'r tywydd yn gymysgedd o heulwen a chymylau.

Weston Super Mare, Dydd Iau 2 Medi 2010

2010-09-02T21:24:00.000+01:00

Taith wych arall. Cychwynnodd Steve A. a fi o Swanbridge am 08.30. Roedd gwynt F3 o'r dwyrain a'r llanw yn neap. Am 12.37 byddai'n benllanw yn Weston. Cyrhaeddom Ynys Echni a glanio yno i ymestyn ein coesau ar ôl 45 munud. Galwais Wylwyr y Glannau wrth i ni ymadael â'r ynys i ofyn oedd llongau ar eu ffordd i lawr y sianel. Yn ffodus, doedd dim. Croesom i Weston (ar gwrs SSE) yn gyflymach na'r disgwyl a chyrraedd tua 11.00. Roedd modd i ni lanio ger y Cove Cafe yn ffodus - roeddwn i wedi ofni y byddai llaid yn ein rhwystro tan 11.37. 10.24 milltir oedd hyd y daith. Brechdan, cappucino ac hufen iâ yn yr heulwen braf. Cychwyn o'na adeg penllanw a phadlo'n ôl yn syth (mymryn WNW), heb fynd ar gyfyl Ynys Echni. 9.55 milltir yn ôl. 4 awr 25 munud gymerodd y daith yno ac yn ôl. Cyrraeddom yn ôl tua 15.00. 17.23 milltir morol i gyd. Gwych, gwych, gwych,....

Cwmtydu, Dydd Llun 30 Awst

2010-09-02T20:33:00.000+01:00

Cwrddais â Colin a Sue yng Nghwmtydu a gadawom tua 11.00 rhyw 1 awr 20 munud cyn i'r llanw droi tua'r de) i gyfeiriad Cei Newydd. Gwelsom ddolffin fan honno, ar ôl cael cappucino yn y caffi a'n brechdanau ar y traeth! Aethom i'r de wedyn a thynnu i mewn i draeth Lochtyn. Gwelom ddolffin eto ger Ynys Lochtyn ac wedyn aethom i lawr i Langrannog. Roedd cryn syrff yno, a llawer o bobl ar y traeth. Yn hytrach na mentro trwy'r syrff troisom yn ôl i Gwm Tydu. 13.9 milltir y môr i gyd.

Roedd y tywydd yn braf a'r gwynt yn ysgafn (F2 yn bennaf o'r gogledd) ar ôl gwyntoedd cryfion y diwrnod cynt (pan gollwyd ceufadiwr yn angheuol ger Rhosneigr: http://www.mcga.gov.uk/c4mca/mcga07-home/newsandpublications/press-releases.htm?id=D95E59EE526DA810&m=8&y=2010).

Ynys Echni, 27-28 Awst 2010

2010-08-29T19:01:00.000+01:00

O'r diwedd, llwyddais wersylla ar Ynys Echni. Gadewais Swanbridge gyda'r hwyr a chyrraedd yr ynys tua 19.45, hanner awr cyn iddi dywyllu. Codais fy mhabell a chael bwyd cyn iddi dywyllu. Roedd y lleuad bron yn llawn (a'r llanw wedi bod yn uchel felly - 11.3m os cofiaf yn iawn) ac yn noson braf. Wedi iddi dywyllu roedd yr olygfa'n braf o hyd: goleuadau trefi glan y môr de Cymru a Gwlad yr Haf yn rhyfeddod. Rhedai'r cwningod o gwmpas ac roedd y lle'n swynol. Cysgais yn dda, er bod y gwynt yn chwipio'r babell a'r gwylanod ac adar eraill yn cadw rhyw sŵn drwy'r nos. Cysgais yn hwyr gan ddihuno ychydig cyn naw, a dyna olygfa eto. Roedd y môr o'm blaen, yn frown wrth gwrs, fel arfer, ond yr haul yn tywynnu a llawer o gychod hwylio allan yn barod.

Roeddwn am fynd adre ar ôl penllanw 11.00 ac felly doedd dim llawer o amser gen i mewn gwirionedd. Paciais rai o'm pethau â mynd â nhw i lawr at y cei lle des ar draws dafad (wyneb broch) yn gorwedd ac yn anadlu'n drwm. Ni symudodd wrth i fynd heibio iddi. Rhyfedd iawn. Dywedais yr hanes wrth Ross, yr is-warden, pan es yn ôl at fy mhabell a'i thynnu i lawr a gorffen pacio. Es am dro o gwmpas yr ynys wedyn, a chael sgwrs ag un o arweinwyr Woodcraft oedd yno'n hyfforddi grŵp o ryw ddeg crwt ar sgiliau goroesi. Roedden nhw wedi bod yn gwersylla mewn tîpî. Ar fy ffordd nôl at y babell des ar draws un o wirfoddolwyr yr ynys oedd yn chwilo am weddill y praidd wyneb broch. Dywedodd fod y ddafad oedd i lawr wrth y cei wedi trigo. Cerddais gyda'r dyn am ychydig nes dod o hud i'r praidd a gweld bod Ross wedi sylwi bod dafad arall wedi gwahanu oddi wrth y lleill ac yn edrych yn giami.

Gadawais yr ynys yn eithaf hwyr, tua 12, ac fel y rhagwelwyd gan y rhagolygon roedd y gwynt yn codi. Roedd yn F4 am y rhan fwyaf o'r daith ac hwnnw'n gweund y daith yn dipyn mwy o sialens nag a gefais ar fy nheithiau diweddar yno. Cymerodd y daith awr.

Profiad arbennig. Rwyf am fynd eto!

Y Mwmbwls, Dydd Sul 22 Awst

2010-08-29T18:36:00.000+01:00

Taith arall i'r Mwmbwls. Mwy neu lai'r un cynllun â'r un blaenorol, heblaw fy mod ar fyn mhen fy hun y tro hwn. Es i'n bellach - at Trwyn Pwlldu, lle ces fy mrechdan. Ymarfer rolio eto wrth gyrraedd yn ôl. "Re-entry and roll" wedi gweithio, jyst, y tro hwn. A hufen iâ blas mafon i orffen.

Afon Menai, Dydd Mawrth 17 Awst 2010

2010-08-21T19:13:00.000+01:00

Cychwynnais o Bwll Fanogl (i'r gorllewin o golofn Nelson "England expects...") a mynd yn syth am Bont Menai. Roedd y llanw newydd droi a doedd gen i ddim llawer o amser i fynd yno a medru cyrraedd yn ôl. Roedd dau grŵp o ganŵyr dan hyfforddiant allan, yn disgwyl i'r llif gynyddu iddynt fedru ymarfer torri i mewn a sylwais ar dri cheufadiwr arall ar y lan ychydig cyn Pont Britannia hefyd yn cymryd hoe. Es i lawr i'r Felinheli wedyn a phrynu brechdan caws drud iawn yn y dafarn a'i bwyta wrth fwrdd y tu allan. Doedd y tywydd ddim hanner cytsal â'r diwrnod cynt. Ar yr afon doedd bron dim gwynt (F3-4 o'r gogledd orllewin oedd hi i fod) ond doedd fawr o heulwen chwaith, er ei bod yn sych. Fe welais wn i ddim faint o grëyrod ar lan Ynys Môn. Ymarfer rolio ar y diwedd yn iawn, ond yr ymarfer allan o'r cwch a rolio i fyny wedyn yn fethiant. Doedd dim digon o bŵer ar ôl yn y GPS i'w ddefnyddio ond, o edrych ar y map, rwy'n amcangyfrif mai rhyw 7 milltir o daith i gyd oedd hon.

Porth Llechog i Draeth Bychan, Dydd Llun 16 Awst

2010-08-21T19:02:00.000+01:00

Ar fy mhen fy hun eto. Parciais y car yn Nhraeth Bychan a chael lifft gyda'm gwraig ac Euros i Borth Llechog. (Roeddwn wedi bod yno y diwrnod cynt gan i ni gerdded oddi yno i'r clogwyn gyferbyn â Phorthwen ac yn ô)l. Mynd gyda'r llanw oeddwn, wrth gwrs, a thorrais allan y tu ôl i Ynys Amlwch a gweld morlo. Ymlaen wedyn yn bryderus braidd i Drwyn Eilian a chyrraedd yno tua dwy awr cyn penllanw, adeg pan y gallai wedi bod yn arw iawn. Roedd y dŵr ychydig yn arw ond ddim yn fawr o gwbl ac felly roeddwn heibio iddo'n sydyn. Stopiais i gael bwyd ar draeth mewn bae oedd wedi ei amgylchynu gan glogwyni. Ymlaen wedyn i Ynys Dulas lle roedd llawer o forloi (a RIB yn edrych arnynt). Es rhwng Ynys Moelfre a'r tir mawr. Roeddwn i'n ei chael yn eitha gwaith ar yr ochr agosaf at yr ynys (hwyrach bod y llanw wedi troi yn f'erbyn?) ond yn nes at y tir mawr roedd yn haws. Ymarferais rolio ychydig yn y bae cyn Traeth Bychan. Ar ôl newid, es i lawr at y clwb hwylio a chwilio a dod o hyd i hen gydnabod o ddyddiau hwylio Mei, a chael paned a sgwrs hir â nhw am hynt ein teuluoedd. Diwrnod braf, o ran y tywydd a'r hwyl. Stopiodd y GPS â gweithio pan gyrhaeddais Drwyn Eilian ond tau 10 milltir/15k oedd hyd y daith yma.

Y Mwmbwls, Dydd Sul 8 Awst

2010-08-21T18:59:00.000+01:00

Es gyda Rob y tro hwn ac fel y tro diwethaf cychwyn o'r Mymbls yn weddol buan ar ôl y distyll. Doedd hi ddim hanner mor arw y tro yma o gwmpas y goleudy. Gwelon ni un morlo ar y ffordd i Fae Caswell ble stopion ni i gael bwyd. Ychydig o syrffio wedyn wrth gychwyn am yn ôl, a hufen iâ ar y diwedd.

Tryweryn, Dydd Sadwrn 24 Gorffennaf

2010-07-30T21:34:00.000+01:00

Es ar fy mhen fy hun a chwrdd â Matt a Phil yn y Bala nos Wener, a threfnu cwrdd â nhw tua 10 y bore wedyn. Roedd 9 cumec yn cael ei ollwng. Rhedon ni o'r top i lawr i'r Bala ac wedyn gwneud dau rediad o'r top, y tro cyntaf dim ond i lawr at y bont ac wedyn at y rhaeadr ymhellach i lawr.

Dydd Sul 11 Gorffennaf - Y Mymbls

2010-07-30T21:30:00.000+01:00

Dim ond taith fer ar fy mhen fy hun. Cychwynnais o'r Mymbls ryw awr ar ôl y distyll. Roedd yn eitha garw yn mynd o gwmpas y goleudy a phan gyrhaeddais Bae Langland roeddwn yn gallu gweld bod cryn syrff yno. Cariais ymlaen am ychydig ond wedyn penderfynu nad oedd diben im gario ymlaen at Caswell fel roeddwn wedi bwriadu gan y byddai'n debygol o fod yn anodd i lanio yno oherwydd y syrff. Yn ôl â fi felly, taith rhyw awr a hanner i gyd.

Ynys Echni, Dydd Sul 20 Mehefin

2010-06-28T22:05:00.000+01:00

Anghofiais gofnodi hon. Mae'r daith i Ynys Echni yn dod yn gyfarwydd i mi ac os rhywbeth mae fy hoffter ohoni'n tyfu. Y tro hwn es o Swanbridge, ryw awr a rhywbeth cyn bod y llanw i droi. Cyrhaeddais wrth fod y Lewis Alexander yn gadael a chwrdd â'r is-wardeniaid gwirfoddol newydd sy yno ers rhyw bythefnos. Un wedi rhoi'r gorau i fod yn athrawes ffiseg ac un yn ddaearyddwr morol oedd yn gwarchod crwbanod y môr yng Ngwlad Groeg tan yn ddiweddar. Ces fy nghyfarch gan fadwr RIB (sy'n gweithio o'r Bae) wrth i mi ymadael gan ei fod wedi stopio ger y cei.

Ar y ffordd i'r ynys roedd y gwynt yn F2-3 ond fe gododd dipyn i fod yn F3 gweddol gyson ar y ffordd yn ôl. Gadewais o gwmpas y graig yn hytrach na mynd trwy'r hollt y tro hwn a phasio i'r dwyrain o'r Wolves. Unwaith eto, doedd y môr ddim yn hollol lonydd, er gwaetha'r addewidion, a bues yn syrffio dipyn wrth wneud y fferi gleid yn ôl.

Abercastell-Abereiddi, Dydd Sadwrn 26 Mehefin

2010-06-27T21:19:00.000+01:00

Es i lawr i Niwgwl i gwrdd â Steve nos Wener i badlo gydag e Dydd Sadwrn. Dewison wneud taith o Abercastell i Abereddi ac yn ôl. Cwrddom â Chris ar ddamwain wrth i ni ymbaratoi i ymadael o Abercastell tua 13.00. Teithiom i'r gogledd am ryw awr, gan fod y llanw i fod i droi am 14.15. Roedd y rhan honno o'r arfordir yn wych - creigiau i fynd o'u cwmpas ac ogofeydd i'w harchwilio. Galwom ym Mhorthgain am cappucino! Cyrraedd Abereiddi tua 16.40 lle cwrddom â Chris eto ac chan fy mod wedi gadael fy nghar yno ces y bwyd oeddwn i wedi gadaeil ynddo. Gan fod fan hufen iâ yno, cawsom un o'r rheina hefyd! Gadawom ychydig ar ôl 17.00 gan fod llif y llanw i fod in droi am 17.15. Roedd y gwynt (F3) wedi bod yn ein hwynebau ar y ffordd i lawr ond nawr wrth gwrs diflannodd fwy neu lai fel nad oedd cymorth y gwynt gennym ar y ffordd yn ôl. Er hynny, awr a chwarter gymerodd i ni fynd yn ôl. Daeth Steve o hyd i hollt aeth yr holl ffordd trwy'r ynys ger Abercastell. Mae'r ail fap yn ei dangos. Efallai dyma'r daith i mi fwynhau mwyaf erioed. Roedd y tywydd yn braf a'r arfoddir mor amrywiol.

Taith i Alpau'r Swistir, 28 Mai - 4 Mehefin

2010-06-04T20:54:00.000+01:00

Es gyda Chanolfan Awyr Agored Arthog unwaith eto. Roedd 12 ohonom:

staff Arthog: Andy Hall, Richie Link, Steve, Stuart a Lucy

fi; Brian, Pete, a Phil o Glwb Canwio Aberystwyth, Callum (mab Phil) a'i ffrind Ian o Benrith, ac Ian arall o Ganolfan Awyr Agored Aberdyfi.

Cychwynnais o Gaerdydd ar ddydd Gwener 28 Mai a chwrdd â'r gweddill yn Nwfr lle daliom long 03.30. Cyrhaeddom Thonon-les- Bains tua 16.00 ar Ddydd Sadwrn 29 Mai.

Dydd Sul 30 Mai: dau rediad ar Afon Dranse, gradd 3. Symud wedyn i Château d'Oex ac aros ger afon l'Sarine (yn Ffrangeg; Saane yn Almaeneg). Dyma lun o'r afon â lefel y dŵr yn isel: http://www.panoramio.com/photo/4893421. Bwrodd glaw'n drwm yn noson honno a diflannodd y graid fawr sydd i'w gweld ar y dde yn y pellter. Gradd 4 fyddai'r darn yma ond Gradd 4+ yn bendant oedd hi ar y Dydd Llun.

Dydd Llun 31 Mai: dau rediad ar Afon Sense

Dydd Mawrth 1 Mehefin: Afon Simme

Dydd Mercher 2 Mehefin: Vorderein. Aros yn Thusis nos Fercher.

Dydd Iau 3 Mehefin: Hinterein

Dydd Gwener 4 Mehefin: adre

Dyma sut adroddais ar y daith mewn ebost:
We paddled the Dranse (in France by Lake Geneva) and the Sense (twice each), the Simme and the Vorderrhein and the Hinterrhein.

The Dranse was a good Grade 3. The second night we were alongside a bit of the Saane (La Sarine in French) which had a Grade 3 hole. That night it poured down and the river went up 1.5m and the hole turned to Grade 5 and the rest of the river 4+. Luckily, we drove to another watershed and paddled the Sense - almost all just Grade 2, though with boils and undercuts on every turn through a fantastic gorge. The Simme was Grade 2/3, picturesque with plenty of roofed bridges across the river. The Vorderrhein was again mostly Grade 2 and another fantastic gorge (http://www.myswitzerland.com/en/destinations/top_attractions/attractions-nature/beautiful-vorderrhein.html). The Hinterrhein started off almost as a scrape (6 cumecs) but we were paddling past the remains of snow avalanches with snow all around on the surrounding mountains. The water was very cold. The highlight, oddly, was a sharp left turn which turned out to be a 60m long weir. The fastest water
I've ever paddled: it was like being shot out on the top of a burst pipeline. The river then picked up to a twisting and turning Grade 3 which went on for miles. A great run.

I've just added the rivers to my count and I now reckon I've paddled on 63 different rivers.

Cei Stagbwll i orllewin Angle, Dydd Sul 23 Mai

2010-05-26T23:36:00.000+01:00

Gyda Steve, Eurion, Chris ac Adrian. Gadawom Stagbwll tua 11.20 a chyrraedd tua 16.15. Diwrnod braf.

Porthglais i Niwgwl, Dydd Sadwrn 15 Mai

2010-05-26T23:25:00.000+01:00

Gwersyllais dros nos yn Niwgwl. Yn y bore daeth tri arall - Mike, Derek a Craig - i gwrdd â Sue a Colin E. ac fe aethom i Borthglais. Aethom heibio i dri pheiriant. Mae'r llun yn dangos eu cychod, cyn iddyn nhw gael eu dryllio.

Taith braf a gorffen gydag ychydig bach o syrffio.

Penarth i Ynys Echni 18 Ebrill 2010

2010-04-18T23:17:00.000+01:00

Ychydig o wynt oedd i fod eto felly dyma fi'n bachu yn y cyfle am dro arall i Ynys Echni ar fy mhen fy hun eto (er wrth i mi gychwyn cwrddais â dau geufadiwr arall - un ohonynt yn rhoi ceufad - ? Klepper - at ei gilydd ac a ddywedodd eu bod yn mynd i'r ynys). Roedd y llanw i fod i droi i lanw i'r gogledd ddwyrain tua 16.30 felly y tro yma roedd yn rhaid i mi gychwyn o Benarth. Gadewais Benarth tua 15.oo ac fe gymerodd 53 munud i mi gyrraedd yr ynys, a'r un amser i ddod yn ôl! 7.56 milltir y môr, cyflymder cymedrig 4.2 knt, cyflymder uchag 6.1 knt. Rwyf wrth fy modd ag Ynys Echni!

Aberporth i Aberteifi 10 Ebrill 2010

2010-04-18T23:06:00.000+01:00

Es â'm Mam i weld Meri ym Mlaenporth ac wedyn gyrru ymlaen i gwrdd ag Emlyn, Colin a Sue tua 11.30 yn Aberporth. Trefnu'r wennol yn Poppit ac mae'n siŵr oedd yn 13.00 erbyn i ni gychwyn. Stopio ym Mwnt am hufen iâ ac wedyn o gwmpas Ynys Aberteifi. Dim ond cwpl o fôrloi welon ni a dim llawer o adar y môr chwaith. Taith hyd o gwmpas 10 milltir a chyrraedd Poppit yn weddol fuan ar ôl penllanw gan olygu nad oedd hi mor bell i gerdded.

Ynys Echni, prynhawn Dydd Gwener 9 Ebrill

2010-04-13T23:24:00.001+01:00

Roedd y daith hon yn arbennig iawn. Roedd y môr yn rhyfeddol o lonydd. Gadewais Swanbridge tua 15.35 (wedi cael sgwrs â theulu Cymraeg ar y llithrfa) a'r llanw i fod i droi ger Ynys Echni tua 17.00. Taith o ryw 45 munud yn unig a theimlais i ddim llif o gwbl, na phrofi'r un don. (Neaps yn egluro hynny mae'n debyg). Cyrhaeddais yr un tra oedd cwch y Lewis Alexander yn dadlwytho cwpl oedd wedi mynd yno am gyfweliad i fod yn wardeniaid cynorthwyol yno. Roedd y warden a'r cynorthwy-ydd yn fy nghofio o'm ymweliad blaenorol.

Roedd yr ynys yn wych: yn llawn gwylanod oedd wedi dechrau nythu ond heb ddodwy ac felly ddim yn ymosodol, a llawer o gwningod ar hyd y lle. I bob cyfeiriad roedd yr olygfa'n braf, yr awyr yn las ac yn glir, a nifer o longau'n hwylio i lawr yr afon. Arhosiais tua 45 munud cyn cychwyn yn ôl. Roedd hon yn daith gofiadwy iawn iawn o braf Mwynheais yn anferthol. 3.7 milltir yno, 4.6 yn ôl (gan i mi fynd o gwmpas yr ynys).

Afon Wysg, Dydd Sul 4 Ebrill

2010-04-13T23:19:00.000+01:00

Penwythnos da i mi. Afon Tawe y diwrnod cynt a thaith o Dal-y-bont i Grug Hywel gyda John ar y Dydd Sul. Roedd gennym yr afon i'n hunain, anarferol iawn i Afon Wysg ond yn adlewyrchu'r amseriad - Dydd Sul y Pasg. Dŵr eithaf uchel ac felly'n daith gyflym. Di-ddigwyddiad ond hyfryd.

Afon Tawe, Dydd Sadwrn 3 Ebrill

2010-04-13T23:18:00.000+01:00

Taith dda awn. Adroddiad ar flog Clwb Padlwyr y Ddraig: http://dragon-paddlers.blogspot.com/2010/04/afon-tawe-saturday-3-april-2010.html

Cwrs dŵr gwyn Caerdydd, Dydd Sul 28 Mawrth

2010-03-28T21:10:00.000+01:00

Dim ond ar y Dydd Sadwrn yr agorodd i'r cyhoedd. Es i ag Euros i gwrdd â Matt a Mark, a gweld John O' a Paul Mac yno i rafftio, a Ben Mac yno i badlo. http://cymraeg.ciww.com/

Da iawn. 5 rhediad wnes, os cyfrifais yn iawn. Alla i ddim dweud fy mod wedi torri mâs rhyw lawer, ar osgoi stoppers a pour-overs oedd fy meddwl trwy'r amser bron. Pan gyrhaeddom roedden nhw'n gollwng 10cumec ar gyfer y rhai 'elite' oedd yno'n ymarfer slalom. 8 cumec oedden nhw'n ei ollwng ar ein cyfer ni. Hen ddigon i mi!

Ynys Bŷr, 15 Mawrth

2010-03-18T00:43:00.000Z

30 km, 14.5nm, 16.6 milltir, gadael Amroth am 11, cyrraedd yn ôl am 16.00, cyfartaledd cyflymdra o gwmpas 3.2 knt (os cofiaf yn iawn). Fi a Steve A. wnaeth y daith hon. Cawsom ychydig o ddŵr garw wrth fynd o gwmpas de-orllewin yr ynys a chyn hynny fu'n galed padlo'n erbyn y llawn a'r gwynt lan y swnd rhwng yr ynys a'r tir mawr. Er hynny, bues yn padlo ar 1.8knt o leiaf yn ôl y GPS. Gwelsom rhyw hanner dwsin o forloi a rhai ifanc oedd y rhan fwyaf ddywedwn i.

Wedi blino'n lân erbyn diwedd y daith: pellach na dim ydw i wedi'i wneud yn ddiweddar.

Penwythnos Ynys Wyth 18 - 23 Chwefror

2010-02-28T14:46:00.000Z

Ar ddydd Iau 18 Chwefror, gadewais y tŷ tua 14.00 gyda Andrew B, gan anelu dal fferi 16.30 o Southampton i East Cowes. Roedd hi'n bwrw eira pan adawom a phan gyrhaeddom ail bont Afon Hafren daeth y traffig i stop: damwain. Cymerodd awr a hanner i ni groesi'r bont ac felly dal fferi 18.00 wnaethom yn yn diwedd.
Ar Ddydd Gwener, cerddom uwchben y Needles ac wedyn aethom i ddwyrain yr ynys am dro bach ar y môr ger Bembridge. Aethom allan i weld Caer St Helens ac wedyn i'r de am ychydig, taith 6.25 milltir. Glanion ni yn ôl bron wrth iddi fachlud.
Dydd Sadwrn Needles: ar ddiwrnod cyntaf yr asesiad 4*, arweiniais ddau arall o Freshwater i Gaer Victoria, gan fynd heibio i'r Needles a glanio ar draeth Bae Alum i ginio.

Dydd Sul: ym mae Freshwater, asesiad ein sgiliau padlo ayb. Roedd hi'n oer iawn!!!

Ynys Echni 23 Ionawr a rhyw fwoi ger Larnog 6 Chwefror

2010-02-13T00:13:00.000Z

Cofnodion byr, rhag i mi anghofio.
1.Taith gydag Emlyn a Rob i Ynys Echni (manylion ar flog Padlwyr y Ddraig:
Dolen)
2. Ymarfer: Swanbridge mâs i ryw fwoi allan o drwyn Larnog, ac yn ôl, ac ymarfer mewn dŵr rhewllyd iawn ar y diwedd. Hanes lawn ar flog Eurion: Dolen

Afonydd Ysgir ac Wysg, Dydd Sul 17

2010-01-17T21:53:00.000Z

Es gyda Alan a Colin, yn gyntaf ar Afon Ysgir (oedd â'i mesurydd yn dangos 4.5) a chan nad oedd y daith honno'n gyffrous iawn a dim ond wedi cymryd awr, yn ail ar Afonydd Senni/Wysg o Ddefynnog i Aberbrân gymrodd awr a hanner. Fel y mae'r siart yn dangos (lefel y dŵr yn Aberhonddu) roedd Afon Wysg yn weddol uchel. Aethom i'r ochr dde ar y 3ydd rhaeadr, gan fynd ychydig i'r chwith o'r goeden sy yno ar hyn o bryd. Roedd Alan yn arwain ar y darn yno ac fe wnaeth smonach o'r diwedd a nofio. Dyna unig gyffro'r daith honno.

Buon yn ffodus gyda'r tywydd. Er ei bod yn oer a thameidiau o eira ar y mynyddoedd o hyd, heulwen gawsom y rhan fwyaf o'r dydd a chlamp o enfys ar y diwedd. Braf fod mâs eto.

Craig Tusker, Dydd Calan 2010

2010-01-04T23:51:00.000Z

Ar ddydd Calan, es yng nghwmni Eurion a Chris o Fae Dunraven i graig Tusker Prin dwy awr o badlo yno ac yn ôl ond fe dreuliom rhyw hanner awr ar y graig, a rhyw awr yn chwarae yn y syrff bach bach oedd yn y bae ar y diwedd. Tywydd braf ac ychydig iawn o wynt. Un rol i ymarfer ar y diwedd!

Afon Wysg, Dydd Sul 13 Rhagfyr 2009

2009-12-13T21:54:00.000Z

Yng nghwmni John C a Rob es o Dal-y-bont i Grughywel, taith gymerodd o gwmpas dwy awr a hanner. Fel y mae'r siart yn dangos, roedd lefel y dŵr ychydig yn uwch na lefel gyfartalog y gaeaf ac fe olygodd hynny ein bod wedi cael cymorth y llif i fynd â ni. O ran nodweddion yr afon, golygai fod llawer wedi golchi allan.

Tywydd sych a dim mor oer ag addawyd. Diwrnod da eto.

Afon Ysgir, Dydd Sul 22 Tachwedd

2009-11-24T22:39:00.000Z

Taith gyda John C., Rob ac Emlyn. Ysgrifennodd Rob adroddiad amdani ar flog Padlwyr y Ddraig: . Gwnaeth gamgymeriad wrth gofnodi lefel y dŵr: roedd y dŵr bron â chyrraedd 9 ar y mesurydd ar y diwedd - nid y 9 uchaf ond y nesaf i lawr. Dywedodd Rob mai 1.9 oedd e. Efallai bod 9 yn trosi i olygu dyfnder o 1.9m ond wn i ddim.

Rywf wedi sylwi hefyd nad oeddwn wedi cofnodi'r daith wnes i, yng nghwmni Euros, Alan a rhai eraill nad ydw i'n eu cofio nawr, ar yr un afon y llynedd, o gwmpas Rhagfyr, ddiwrnod neu ddau ar ôl llifogydd mawr yno oedd wedi hollti'r bont ym Mhont-faen> Roedd boncyffyn yn dal yn ffenestr y tŷ agosaf at y bont, a gofynnodd pobl oedd yno i ni edrych o dan y bont a dwedu wrthynt pa mor wael oedd y difrod.

Afon Grwyne Fawr, Dydd Sul 15 Hydref

2009-11-15T22:30:00.002Z

Yng nghwmni John C, ymweliad arall ag Afon Grwyne. Daeth y prif gyffro wrth i John ollwng ei gwch i'r afon ar ôl inni gario heibio i'r gored fawr. Er i mi ei gwrso mewn gwirionedd John a'i achubodd gan iddo redeg i lawr ochr yr afon ac wedyn gerdded i'w chanol.

Roedd ceufarwyr ymhobman heddiw gan ei bod hi wedi bod yn bwrw glaw ers dyddiau. Er hynny, ychydig yn uwch na 4 oedd y gauge yn dangos - y lefel orau mae'n debyg ar gyfer yr afon hon.

Afon Wysg, Dydd Sul 8 Hydref

2009-11-15T22:30:00.001Z

Yng nghwmni Rob ac Emlyn, gan gychwyn ar Afon Senni yn Nefnynnog i Aberbrân. Fel y gwelir o'r siart roedd y dŵr ychydig yn uwch na'i lefel arferol yn ystod y gaeaf. Ar y lefel yma, i'r chwith yr aethom ar y trydydd rhaeadr (roedd coeden yr ochr dde beth bynnag).

Rest Bay, Dydd Sadwrn 31 Hydref

2009-11-15T22:29:00.001Z

Rhyw awr ar y dŵr, yng nghwmni Rob. Tri rôl!

Afon Dart, penwythnos 24-25 Hydref

2009-10-26T20:26:00.001Z

Ysgrifennais am hon ar flog Padlwyr y Ddraig:

Port Einon i'r Mwmbwls, Dydd Sadwrn 17 Hydref

2009-10-26T20:25:00.001Z

Yng nghwmni Eurion, Adrian a Chris, cyfle i chwarae gyda'm GPS newydd: 10.28nm, 3 awr 45 munud, 2.7kt ar gyfartaledd, 5.1kt oedd y cyflymaf aethom. Ddaeth y gwynt (F3) oedd wedi ei addo ddim ac felly doedd hi ddim mor gyflym y gallai wedi bod. Cychwynnom o Bort Einon yn awr olaf y distyll ac felly gyda ni oedd y llanw am ran fwya'r daith.

Cold Knap i Lanilltud Fawr, Sadwrn 10 Hydref

2009-10-18T21:49:00.000+01:00

Gydag Emlyn y tro hwn, cyfle i mi ddysgu defnyddio'r GPS. Gadawom Cold Knpa pan oedd yn benllanw a olygodd ein bod yn teitio gyda'r llanw. Cawsom ein bwyd ar y traeth ger Aberddawan a chlywed ryw long yn ceisio am oesoedd i gael gafael ar VTS Hafren. Roedd ffordd hir iawn gyda ni i gario'r cychod yn Llanilltud gan fod y llanw'n mynd allan o hyd. Y cario'n fwy o waith na'r padlo a dweud y gwir. Diwrnod braf iawn a bron dim gwynt.

Ynys Echni, Dydd Sul 4 Hydref 2009

2009-10-15T19:10:00.001+01:00

Unwaith eto!. Prynais GPS y diwrnod cynt ac roeddwn am ei geisio. Gwnes fel o'r blaen a gadael Swanbridge ryw arw cyn penllanw yno. Neaps oedd a ches i ddim llawr o gymorth gan y llanw yno. (Es heibio i buoy'r Wolves ar y ffordd yno ac yn ôl). Arhosais ger y jeti i gael bwyd ac roedd hi'n hynod o lonydd. Pan gychwynnais a mynd yn ôl f'arfer clocwedd o gwmpas es i mewn i'r gwynt. Tra F2 oedd wedi bod ar fy nghefn ar fy ffordd allan roedd e wedi codi i fod yn F3 da, a chopaon gwyn i'w gweld ar llawer o'r tonnau oedd rhyngof â Swanbridge. Glaniais ar y traeth ar orllewin yr ynys i wisgo cag amdanaf a galwais wylwyr y Glannau i roi gwybod iddynt fy mod ar fy mhen fy hun ac ar gychwyn yn ôl. (Daeth dyn ataf i holi oeddwn yn iawn: adaryddwr o Wlad Belg sy'n byw yng Nghaerdydd. Dywedodd y byddai'n aros ar yr ynys unwaith y mis). Wedi cychwyn yn ôl fe ostegodd y gwynt ar ôl ychydig a ryw awr gymrodd y daith. Y cyffro ar y diwedd oedd fy mod wedi colli fy sbectol ar ôl y 3ydd ymarfer ar rolio ond es i gael paned a mynd i lawr i'r traeth arw a hanner wedyn a dod o hyd iddi yn y llaid.

Abereiddi i Draeth Mawr, Tŷ Ddewi, Sul 20 Medi

2009-09-24T23:44:00.000+01:00

Teithiais i lawr i Sir Benfro brynhawn Dydd Sadwrn a chyrraedd gwersyll Hendre Einon tua 17.30. Cyrhaeddodd Emlyn o fewn awr ac wedyn aethom i mewn i Dŷ Ddewi a chael pryd o fwyd yn y Farmers. Galwon ni heibio ar yr Eades am sgwrs wedyn i drefnu'r diwrnod wedyn.

Gan fod Colin yn rhy siaradus roedd yn 11.30 yn mynd ar y môr yn Abereiddi a chwta hanner awr i fynd cyn i'r llanw droi i lifo i'r de-orllewin. Padlon ni i gyfeiriad y gogledd-ddwyrain yn gyntaf gan anelu am Borthgain. Ond roeddem yn rhy hwyr. Trôdd y llawn ac roedd y môr yn rhy arw ger Penclegyr i ni fynd ymlaen. Troion ni a'r môr fel petai'n llonydd yn syth. Cawsom ragor o ddŵr garw ger Carreg-gwylan-fach ond ychydig iawn wedyn. Doedd dim lle i stopio i orffwys gwaetha'r modd gan fod môrlo ifanc ar bob traeth, heblaw am yr un tywodlyd olaf pan oeddem bron â chyrraedd Traeth Mawr. Cawsom ein bwyd ar hwn cyn mynd ymlaen at Draeth Mawr lle ymarferom rolio ac achub ayb.

Taith o ryw ddeg milltir, a'r daith at y traeth cinio yn rhyw 2 awr - a bron awr a hanner wedyn i chwarae a rolio. Gwych iawn unwaith eto: bron dim gwynt ac yn heulog. Arbennig am yr adeg o'r flwyddyn.

Ynys Echni eto byth! Dydd Sul 13 Medi

2009-09-15T21:44:00.000+01:00

Yng nghwmni Emlyn a Rob, o Fae Jackson, Y Barri y tro hwn. Gadawom tua 11.50 a chymryd tua awr a thri chwarter i gyrraedd, tua awr cyn penllanw. Treuliom dros ddwy awr ar yr ynys y tro hwn, gan ei chrwydro tipyn. Un peth oedd yn wahanol oedd nad oedd gwylanod yno. Mae'n debyg eu bod yn symud oddi yno unwaith mae'r tywor nythu drosodd. Awr a thri chwarter gymrodd i fynd yn ôl hefyd ond tra oedd gwynt F3 wedi bod yn ein hwynebau yno, nid oedd gwynt o gwbl i'n helpu'n ôl.

Un digwyddiad werth ei gofnodi efallai oedd ein bod wedi clywed cyfeiriadau atom ddwywaith ar y VHF, y tro cyntaf gan longau oedd yn pasio'r naill ochr a'r llall i ni pan oeddem ar ein ffordd i'r ynys.

Tryweryn Dydd Sadwrn 5 Medi 2009

2009-09-15T21:33:00.000+01:00

Ysgrifennais gofnod am y daith hon ar gyfer Padlwyr y Ddraig:

http://dragon-paddlers.blogspot.com/2009/09/tryweryn-saturday-6-sept-2009.html

Does gen i fawr i'w hychwanegu, ac eithrio ychydig o luniau ohonof i'n serennu!

Ynys Lihou, 27 Awst - 1 Medi

2009-09-03T21:33:00.000+01:00

Gadewais Gaerdydd ar Ddydd Iau 27 Awst i fynd i'r symposium ceufadio'r môr cyntaf i'w gynnal ar Ynys Lihou oddi ar arfordir Guernsey. Cwrddais â Jonathan T. yn Poole a chroesi ar gwch cyflym Condor gan adael tua 16.00 a chyrraedd St Peter Port tua 19.00. Cyrhaeddom lan y môr ger Lihou tua 20.00 a gorfod croesi'r 150m o ddŵr yn y tywyllwch. Mae Lihou mewn sefyllfa debyg i Ynys Sili, ond ei fod wedi ei gwahanu o'r tir mawr yn llwyr adeg neaps.Roedd gyda ni Ddydd Gwener cyfan i ni'n hunain, gan nad oedd y symposium yn dechrau tan Ddydd Sadwrn. Yn anffodus, fe chwythodd y gwynt yn gryf - F6 i 7 - trwy Ddydd Gwener gan olygu nad oedd modd i ni fynd i geufadio.

Ar y Dydd Sadwrn, dewisais sesiwn hanner diwrnod o achub a rholio, ac wedyn taith o gwmpas y bae cyfagos - gan gynnwys mynd allan i Graig Gron lle roedd y dŵr yn o arw, ac yn ôl am hufen iâ - am y prynhawn.

Dydd Sul, dewisais wneud taith diwrnod i'r de ac i St Peter Port. Roedd y môr yn eitha garw ac fe ddaeth Jonathan o'i gwch. Achubais i fe ond gan ei fod wedi blino'n lân roedd yn rhaid i'r arweinydd, Brian, ei dowio (ac Etienne yn ei dowio fe) i'r traeth agosaf (Petit Bot) olygodd 20 munud o waith caled iddynt a fi wedi rafftio wrth Jonathan.

Dydd Llun, dim ond fi oedd am fynd i oleudy Hanois yn y bore, felly ad-drefnwyd y sesiynau ac ymunais ag un am fordwyaeth olygodd padlo o gwmpas ynys fach Lihou, dysgu am wymon gan Richard, trefnydd tŷ Lihou, a chyfle arall i ymarfer rholio. Dyna oedd diwedd swyddogol y symposium ond yn y prynhawn wedyn aeth yr wyth ohonom oedd yn weddill mâs i oleudŷ Hanois. Cymerodd tua 40 munud i fynd ag 20 i ddod yn ôl. (Wel, ddwywaith mor hir i fynd ag i ddod yn ôl ta beth).

Teithio'n ôl trwy'r dydd ar Ddydd Mawrth wedyn.

Tywydd braf a gwyliau braf.

Dyma oedd gan y dyn a drefnodd y peth i'w ddweud:http://seapaddleruk.blogspot.com/2009/09/lihou-symposium-last-weekend-in-august.html

Dydd Iau 13 Awst; Amroth i Ynys Bŷr

2009-08-16T20:34:00.000+01:00

Taith yng nghwmni Chris E. a Steve A. Aethom ar y dŵr yn Amroth tua 10.10 a chyrhaeddom yn ôl tua 17.00, wedi bod o gwmpas Ynys Bŷr a glanio 3 gwaith ar yr ynys, ac ar draeth Dinbych y Pysgod am hufen iâ. Roedd yn ddiwrnod bron heb wynt, heulog ran amlaf, a'r dŵr yn gynnes fel ein bod wedi treulio tipyn o amser yn ymarfer rholio ac achub ar y diwedd yn Amroth. Gwelom hanner dwsin o forloi ger y bae yn nwyrain yr ynys, a chwpl o slefrod barel y môr. Clamp o bryd o fwyd yn y dafarn yn Amroth yn ddiwedd da i'r dydd. 30km oedd hyd y daith yn ôl GPS Steve, tua 10km i'r ynys felly rhyw 10km o'i chwmpas hefyd mae'n rhaid.

Dydd Sul 9 Awst: Aberdaron

2009-08-16T20:26:00.000+01:00

Gwersyllais yng ngwersyll Tŷ Newydd, Uwchmynydd ar y nos Sadwrn. Prynais docyn parcio 4 awr yn y maes parcio yn Aberdaron wrth gyrraedd tua canol dydd (wedi bod yn edrych ar y môr i Ynys Enlli o Fraich y Pwll yn y bore) ac roeddwn ar y môr tua 1, rhyw awr ar ôl penllawn. Padlais am ryw ddwy awr, mâs i Ynysoedd y Gwylanod yn gyntaf ac wedyn i gyfeiriad Porth Osgo, er nad es llawn mor bell â hynny. Dim ond un morlo welais i, ger Ynys Gwylan Fawr. Roedd tipyn o ymchwydd ar y ffordd mâs i'r Ynysoedd, a gorllewin Ynys Gwylan Fach yn rhy arw i mi feddwl mynd o'i chwmpas felly es i rhwng y ddwy ynys, cyn mydn gwrth glocwedd rhan fwyaf y ffordd o gwmpas yr ynys fawr. Roedd y tywydd yn braf ac ymarferais fy rôl cyn glanio.

Dydd Gwener, 7 Awst: Borth i Aberystwyth

2009-08-16T20:18:00.000+01:00

Roeddwn wedi cymryd cwpl o ddyddiau o wyliau'n barod yn sytod yr wythnos ac wedi cerdded i fyn y Rhinog Fawr ar y Dydd Mawrth. Erbyn Dydd Gwener roedd yn braf eto a thua 4 o'r golch yn y prynhawn roeddwn i'n lansio yn y Borth am daith i Aberystwyth ac yn ôl. Os cofiaf yn iawn, roedd i fod yn benllanw tua 14.00 ond theimlias i fawr o effaith y llanw naill ai ar y ffordd i Aber nac yn ôl. Roedd Aberystwyth yn edrych yn hollol wahanol o'i gwled o'r môr, a'r castell yn dominyddu'n rhyfeddol. Glaniais ar draeth y de i ymestyn fy nghoesau am ychydig. Cymrodd tua 4 awr i gyd ond roedd mynd ar y traeth yn y Borth yn hirwyntog, gan fod yn rhaid cludo'r cwch i ben y wal, i lawr yr ochr arall a thros cerrig, cyn bod modd rhoi troli odano.

Gwersyllais yn Ffwrnais Dyfi y noson honno, a cherdded i fyny Rhinog Fach o Maesygarnedd, Cwm Nant Col y diwrnod wedyn.

Dydd Sadwrn 1 Awst

2009-08-01T21:42:00.000+01:00

Gan nad oed fy Jefe gen i, penderfynais beidio ag ymuno a'r daith ar afon roedd aelodau eraill Padlwyr y Ddraig yn trefnu. Beth bynnag, yn y bore roedd hi'n dal i fwrw a doeddwn i'n edifarhau dim: well gen i'r glaw yn disgyn y diwrnod cyn padlo a'r haul yn tywynnu ar y dydd ei hun. Cliriodd y galw erbyn amser cinio a phenderfynais wneud taith ar y môr. Roedd e i fod yn benllanw yn y Barri tua 16.15 felly penderfynais gychwyn o Lanilltud Fawr i gyfeiriad Aberthawan. Roeddwn i ar y dŵr tua 14.40 a, chyda'r gwynt ar fy nghefn (a thonnau) cyrhaeddais Aberthawan ar ôl rhyw awr a chwarter. Glaniais i yno a chymryd saib o ryw 20 munud, gan gychwyn yn ôl tua 16.15. Roedd y gwynt yn gryf - F4 a chwaon cryfach -a digon o waith caled i'w wneud. Llwyddiais lanio trwy'r syrff yn Llanilltud ac wrth i mi newid, daeth yr haul allan. Oedais yno am ryw awr wedyn yn mwynhau'r olygfa, darllen papur a bwyta siocled. Braf iawn.

25-26 Gorffennaf

2009-07-27T22:40:00.000+01:00

Cofnod moel o ddwy daith, un ar y môr a'r llall ar afon Gwy.

Ar y Dydd Sadwrn padlais am y tro cyntaf yng nghwmni Simon C. Roeddwn wedi gobeithio y byddwn yn mynd i Ynys Echni ond pan gyrhaeaddon Swanbridge barnais y gallai'r amgylchiadau fod braidd yn ormod i Simon felly lan i Benarth a nôl a ni. Cawsom ddiod yn y Captain' Wife ac arhosiais i yno ar fy mhen fy hun i gael tamaid o fwyd - blas, rhaid dweud.

Ar y Dydd Sul, padlais am y tro cyntaf eto yng nghwmni ddau arall: Meic a John T. Taith o bont Kearne i lawr i Symond's Yat. Dewisodd Meic beidio rhoi cynnig ar y dŵr gwyllt ar y diwedd ond rhedodd John e ddwywaith, gan nofio'r tro olaf yn anffodus, ond dywedodd ei fod wedi mwynhau er hynny. Diod wedyn a nôl a ni, ac er bod rhagolygon y tywydd wedi bod yn wael, osgoion ni y gwaethaf, gan ddioddef gwpl o gawodydd yn unig. Y peth gwaethaf am y daith oedd fy mod yn f'inazone - sy'n rhy fach i'm hen goesau erbyn hyn a dweud y gwir.

Dwy daith ddymunol iawn.

Ynys Môn, 3-4 Gorffennaf.

2009-07-05T21:49:00.000+01:00

Gan fod cyfle wedi codi i mi fynd i Ynys Môn, bachais yn y cyfle i wneud ychydig o badlo.

Nos Wener es i lawr i Draeth Bychan tua 18.00 ac es lan, o gwmpas Ynys Moelfre i gyfeiriad Traeth Lligwy. Ar y ffordd, i'r gorllewin o Ynys Moelfre, es heibio i gwch deifwyr oedd yn gweithio gyda thîm a winch ar ben clogwyn yn archwilio llongddrylliad. Yn dod yn ôl roedd hi'n F4 i'm gwyneb ac yn waith caled i fynd heibio i dŷ'r bad achub. Noson braf ond gwisgais fy nghag trwchus ac oherwydd y gwynt doeddwn i ddim yn or-boeth. Tair rôl llwyddiannus - un llaw chwith - yn ymarfer ar y diwedd yn coroni'r cyfan.

Dydd Sadwrn es i Bont-rhydybont, awr ar ôl penllanw Lerpwl, i gael dechrau'r llif i lawr tuag at Gymyran. Cymrodd hynna tua thrichwarter awr ac wedyn anelais am Borthwen, Rhoscolyn. Roeddwn i'n ei weld yn eitha garw, yn enwedig pan sylwais ar y syrff yn mynd i mewn i Silver Bay (Traeth Llydan yn ôl yr OS, ond gan fod Traeth Llydan arall i'r de-ddwyrain o Rosneigr fyddai defnyddio'r enw yn y cyd-destun hwn ddim o gymorth na fyddai?). Glaniais yn y Borthwen a siarad a cheufadiwr arall oedd â dau arall - ei blant rwy'n tybio - ar fin cychwyn. Rhybuddiais i nhw ei fod braidd yn arw. Pan gychwynnais yn ôl, ar ôl eistedd yn bwyta fy nghinio tra oedd hi'n tresio bwrw, gwelais fod y môr wedi tawelu tipyn, a nhwythau, tebyg, yn meddwl 'mond yn hynod o ofnus. Es yn ôl at Cymyran, a sefyll ar un o'r creigiau tra oeddwn yn disgwyl i'r llanw droi, a gwylio pioden y môr yn rhubyddio ei chywion fy mod o gwmpas, gwrando ar ehedydd a chylfinir, a sylwi ar ruo swnllyd y rasio'n dod o gyfeiriad Aberffraw. Sylwais wedyn fod y tonnau ar Draeth Crigyll yn edrych yn dda (ddim yn fawr iawn - ond yn dderbyniol iawn i geufad y môr) ac es i syrffio am ychydig. Cychynnias yn ôl i Bont-rhyd-y-bonttau thri-chwarter awr ar ôl i'r llanw ddechrau troi (yn ôl y llyfr) ond ychydig o gymorth ges i, Weithiau, fe ddaliodd i fyny â fi, ond ran amlaf, padlo mewn dŵr bas iawn oeddwn i. Rhoddais y gorau i ddefnyddio fy mhadl Werner a bachais yn y rhai plastig rhad y byddaf yn eu cario fel rhai sbâr. Cymrodd ddwy awr a gwaith caled i mi gyrraedd yn ôl, ond o leiaf roedd y tywydd wedi brafio. Fel arfer, cyfrifiais y diwrnod fel un llwyddiannus eto.

Abergwaun i Abercastell, Dydd Sul 28 Mehefin

2009-06-28T23:17:00.000+01:00

Efallai dyma'r cyflymaf i mi erioed cofnodi taith. Gyda'r nos yr un diwrnod. Es gyda Colin a Sue E. Cychwyn o harbwr Abergwaun isaf am 13.00 (er cwrdd am 10.30 dyna'r amser gymrodd i ni trefnu'r wennol, sef mynd ta'm car i'w adael yn Abercastell) . Un ystyriaeth anarferol i'r daith oedd sicrhau ein bod yn osgoi'r fferis - yn enwedig yr un cyflym. mae'n ddigon hawdd, o safle gwe Stena, gwled pryd maen nhw'n gadael ond rhaid gofyn yn y swyddfa am syniad am bryd maen nhw'n cyrraedd. Mae amseriad llif y llanw'n eitha cymhleth hefyd. Mae eisiau gadael awr ar ol pend llanw Aberdaugleddau, sy'n golygu, mwy neu lai, gadael ar benllanw lleol er mwyn cael y gwrthlif i'r gorllewin at Ben Caer. Ond ling-di-long yw hi wedyn gan nad ydych eisiau mynd o gwmpas Pen Caer tan 4 awr ar ôl penllanw Aberddaugleddau oherwydd dim ond pryd hynny y mae'r prif lif yn troi i'r gorllewin. Ta beth, fe lwyddon ni gadw at yr amserau hynny gyda'r canlyniad ei fod bron yn hollol lonydd o gwmpas Pen Caer. Ychydig o wynt deimlon ni tan fynd o gwmpas Pen Caer ond wedyn roedd y gwynt o'r dwyrain/de yn ein wynebau neu'n dod o'r chwith yn aml. Un rhuthr mawr ar draws y bae i Abercastell wedyn, a chyrraedd yno o gwmpas 17.00 - yn y glaw! (ond roedd hi wedi bod yn braf am hanner cyntaf y daith, tan mynd heibio i Ben Caer).

Llangennydd i Bort Einon, Dydd Sul 21 Mehefin

2009-06-22T23:32:00.000+01:00

6 ohonom wnaeth y daith hon. Gyda fi roedd Andrew B, Colin a Sue E., Adrian a Jim. Cwrddom ym Mhort Einon am 10.30 a daeth Jim â'i dreilar i ni gyd fynd i Langennydd. Roeddem ar y dŵr am 13.00, awr ar ôl y distyll. Gwelom forloi ger ochr ogleddol Pen y Pyrod. Roedd y tywydd yn sych, er yn gymylog, a dim llawer o wynt, F3 efallai, o'r gorllewin. Roedd tonnau sylweddol wrth i ni fyn do gwmpas Pen y Peryd, yn dwyn Ynys Lawd i gof a dweud y gwir. Byddai'n ddiddorol gweld pa mor fawr fydden nhw, pe bai'r gwynt yn erbyn y llanw a llanw mwy (rhwng springs a neaps oedd ar y diwrnod). Beth bynnag, rownd â ni'n ddi-anaf, glanio ar y traeth cyntaf am ginio cyn parhau a chyrraedd Port Einion am 17.00. Ymarfer rolio, a llwyddo - 3 gwaith!

Ynys Echni eto! 31 Mai 2009

2009-06-19T23:04:00.000+01:00

Taith wych arall. Dim ond dau ohonom y tro hwn, fi ag Emlyn. Heblaw am hynny, roedd yn ddigon tebyg i'r datith ddiwethaf: gadael Swanbridge ryw awr cyn penllanw a dod yn ôl ar ôl treulio ryw awr i gyd ar yr ynys. Doedd e ddim yn llanw mor fawr y tro hwn a olygai na chawsom gymaint o gymorth ganddo ar y ffordd yno, na chael ein hysgubo yn ôl mor gyflym chwaith. Canlyniad y gwahaniaethau hynny oedd ei fod wedi bod yn agos braidd i ni gyrraedd mewn pryd, a fi'n gweiddio f'anogaeth i Emlyn, ac ar y ffordd yn ôl, pasion ni yn agos at foi'r Wolves. Pan adawom yr ynys, ryw awr ar ôl penllanw os cofiaf yn iawn, roedd hi'n o arw i ni wrth i ni fynd gyda'r cloc o gwmpas yr ynys gyda thipyn o glapotis o'r lan. Hwyl fawr!

Postiaf ychydig o luniau ar flog Padlwyr y Ddraig hefyd ond dyma rai dynnodd Emlyn.

Martin's Haven - trwyn St Ann, Dydd Sul, 24 Mai

2009-05-26T21:41:00.000+01:00

I lawr i Sir Benfro eto a gwersylla yn fferm West Hook, Martin's Haven nos Sadwrn. Ar y dŵr tua 09.00, rhyw ddwy awr a hanner ar ôl penllanw Aberdaugleddau, wrth i'r llif droi i'r de trwy Swnd Jac. Y tro hwn yng nghwmni Colin a Sue, Nick King, Steve A a Richard Porthsele. Y bwriad oedd mynd i Dale ond roedd y tywydd mor braf fel fy mod i, Steve a Richard wedi penderfynu troi yn ôl pan oeddem ger y "blockhouse" heibio o drwyn St Ann a gadael i'r tri arall fynd yn eu blaen hebddom. Aethom i dde Skomer a thwry y Swnd bach - hynny o gwmpas 14.30, adeg dŵr slac. Digon o balod i'w gweld a rhyw bedwar morlo.

Afon Taf, Dydd Sul 17 Mai

2009-05-26T21:29:00.000+01:00

Taith a drefnwyd yn y bore gan ei bod wedi bod yn bwrw glaw. Er mai 7 cumec oedd y llif nos Wener (pan aeth Euros gyda Phil, Chris â'i fab i chwarae ar gored Abercynon, a'r mesurydd, yn ôl Euros yn dangos 1), roedd hi'n rhedeg ar 17 cumec fore Dydd Sul a'r safle gwe o lefelau afon yn dweud ei bod wedi cyrraedd lefel gymedrig y gaeaf. Aethom ar y dŵr tua 14.15 os cofiaf yn iawn, a gorffen tua 17.00. Pan ffoniodd Phil am lif y dwr pryd hynny, 30 cumec gafodd e - sy, yn ôl fy narlleniad i o'r siart yn cyfateb i lefel ymhell dros gymedr y gaeaf.

Fi, Euros, Phil a Mark wnaeth y daith.

Llanilltud i Aberogwr, Dydd Sul 10 Mai

2009-05-26T21:22:00.000+01:00

Taith yng nghwmni Colin a Sue E. ac Emlyn, gyda'r trai o Lamilltud, glanio ar graig Tusker a gorffen yn Aberogwr. Diwrnod braf a bron dim awel, hynny ag oedd ar ein cefnau. Dim cyffro ag eithrio dod nôl i'r cychod ar graig Tusker ar ôl ymweld eto â'r adfeilion o'r llong a gweld fod cwch Col yn y dŵr a f'un hanner i mewn: y llanw wedi troi! Ymarfer fy rôl eto ar y ffordd i mewn (ar ôl un llwyddiannus iawn ger Traeth Mawr Tŷ Ddewi) a gweld fy mod wedi ei golli eto. Daro!

Dydd Sadwrn 2 Mai: Sir Benfro

2009-05-04T00:16:00.000+01:00

I lawr i Sir Benfro eto, y tro yma'n gadael Caerdydd tua 09.15 i gyrraedd Parrog, Trefdraeth mewn pryd i fod ar y dŵr am 13.00 - a llwyddo lansio am 13.05 yn y diwedd. Go dda. Yng nghwmni Eurion, Adrian a Steve A. y tro hwn, aethom i draeth Poppit, Aberteifi. Cymerodd tua 4 awr (19k yn ôl y llyfr). Er i ni gychwyn yn hamddenol yn ymchwilio i bron pob ogof ar ôl tua awr fe gododd y gwynt fymryn (er gan ei fod ar ein cefnau, anodd dweud i ba gryfder, yn ymylu ar F4 efallai) ac aeth y môr yn fwy garw. Dechreuodd Steve i fynd yn fwy uniongyrchol at drwyn Cemaes a finnau'n ei ddilyn ac Adrian yn cadw lan hefyd. Fe adawyd Eurion ar ôl braidd, gan ei fod yn tynnu lluniau ac erbyn iddo ddal lan gyda ni roeddem wedi mynd heibio i "Grochan y Gwrachod" (fy nghyfieithiad o'r Saesneg) yr oedd e wedi bod yn chwlio amdano. Bydd yn rhaid i ni wneud y daith eto i ddod o hyd iddi. Gorfennwyd y daith gyda fi ag Eurion yn syrffio ar donnau -oedd weithiau'n eitha mawr, digon mawr i ysgubo'r botel ddiod a'r tudalen lamineiddedig oedd gen i ar y dec i ffwrdd yn anffodus.

Dydd Sul, 19 Ebrill: Solfach - Traeth Mawr

2009-04-20T21:28:00.000+01:00

Es ar y nos Sadwrn i wersylla am y noson ger Traeth Mawr, Tŷ Ddewi. Cyrhaeddais ryw ddeg munud cyn y machlud a'r haul yn belen goch. Cael sgwrs gyda Colin a Sue E, yn fan newydd Greg T - yng nghwmni Dave C nad oeddwn wedi ei weld ers blynyddoedd.

Y diwrnod wedyn padlais gyda Colin a Sue E., ac Emlyn ddaeth i lawr erbyn 9 y bore, gan gychwyn o Solfach ryw ddwy awr cyn bod y llanw i droi i'r gogledd. Er inni gyrraedd y "Bitches" tuag amser penllanw, ychydig iawn o ddŵr garw oedd yno - y ffaith mai llanw Neap oedd yn gyfrifol. Uchder y llanw isel yn Aberdaugleddau ar y dydd oedd 2.7m, a dim ond 4.8m oedd y penllanw. Er hynny, ar un adeg, yn ôl GPS Emyn, roeddem yn teithio ar 8mya. Croesom i ochr ddwyreiniol Ynys Dewi i fynd yr holl ffordd trwy un ogof. Hyd y daith i gyd oedd 11.5 milltir, a'r tywydd yn braf a bron dim gwynt yr holl daith.

Dydd Sul y Pasg, 12 Ebrill: Ynys Echni

2009-04-12T22:13:00.000+01:00

Es gyda Rob G. ac Andrew B i Ynys Echni. Cychwynnom tua 8.30 o Swanbridge. Roedd penllanw ar yr ynys i fod tua 9.30. Er fy mod wedi amau cywirdeb "y llyfr" am amser newid y llif (15 munud ar ôl penllanw Avonmouth) fe'i brofwyd yn hollol gywir. Cyrhaeddom yr ynys ar ôl 45 munud o badlo, rhyw dri chwawrter awr cyn yramser oeddwn wedi cyfrifo y byddai'r llif yn newid a chawsom weld ei fod yn hollol gywir. Gadawom o fewn rhyw chwarter awr a mynd clocwedd o gwmpas yr ynys. Cafodd Rob a fi ein synnu i weld buoy "y Wolves" yn symud. Nac oedd, wrth gwrs ond edrychodd i ni ei fod yn symud fel cwch, mor gyflym oeddem ni'n cael ein ysgubo yn ôl. Tra ein bod wedi mynd i' dwyrain o'r buoy ar y ffordd allan, i'r gorllewin ohono oeddem ar y ffordd yn ôl. Cymrodd y daith yn ôl rhyw awr, a'r padlo'n eitha caled, er bod y llanw newydd droi, a'r tywydd yn berffaith - y môr yn hollol lonydd yn aml, a dim ond awel ysgafn iawn, F1 os hynny. Y rhagolygon oedd F3-4!

Dydd Sul, 5 Ebrill

2009-04-12T21:19:00.000+01:00

Taith fach ar fy mhen fy hun rhyw awr a thri chwarter o hyd o Borth Einon, Penrhyn Gŵyr, tra aeth Janette am dro bach ar hyd pen y clogwyni i'r gorllewin. Gan ddilyn awgrym y llyfr "Welsh Sea Kayaking" cadwais yn bell i'r dwyrain o drwyn Porth Einon ac es mâs i'r buoy - ? East Hedwick. Roedd tipyn o ymchwydd yn y môr ac ar ôl arfer ceufadio mewn cwmni roeddwn yn ôl yn teimlo'n gymharol nerfus ar fy mhen fy hun ar y môr mawr.

Ynysoedd y Sili

2009-03-28T12:38:00.000Z

Es gyda Andrew B, Nick M, ac Owen S. i ynysoedd y Sili am wythnos. Hedfan yno ar 20 Mawrth ar hofrennydd o Penzance, wedi gweld St Michael's Mount.

Sadwrn 21 Mawrth: o Borth Thomas ar St Mary's, lle cawsom y cychod gan Murray, i Samson, lle glanion ar y traeth.

Ymlaen wedyn tuag at Castle Bryher, draw tuag at Maiden Bower ac wedyn i'r gogledd at Scilly

Rock. Cawsom ychydig o ddwr garw wedi ei achosi gan ras y llanw wrth fynd gyda'r cloc o gwmpas Scilly Rock. Aethom i lanio ar draeth euraid arall ar ochr orllewinol Bryher i gael cinio - ac i mi wisgo cag. Mewn fest oeddwn wedi bod tan hynny a gweld dwr Scilly Rock braidd yn gyffrous am hynny. Lan i rowndio Shipman Head wedyn, a dwr ychydig yn arw eto. Padlon yr holl ffordd drwy hollt ar yr ochr ddwyreiniol, ac yn ôl trwyddo cyn mynd ymlaen i ymweld a Chastell Cromwell ar Tresco. Ymlaen wedyn a glanio yn New Grimsby am hufen iâ, cyn troi yn ôl i St Mary's.

Dydd Sul: gan ein bod wedi sylwi yn New Grimsby y diwrnod cynt fod y tywydd i fod i waethygu llawer erbyn diwedd yr wythnos, penderfynom adael i wersylla am noson ar St Agnes. Glaniom ger y tafarn - er i ni ddeall na fyddai ar agor i ni ymhellach ymlaen (gan ei fod yn llawn ar Ddydd Sul y Mamau). Prynon wyau a chwrw ac wedyn mynd ymlaen i wersyll Troy Town. Gadael ein pethau heb godi pebyll i geisio mynd ymlaen. Yn erbyn gwynt F4 i ogledd Annet a chael dwr garw ger yr Haycocks ac ar y dechrau i lawr gorllewin Annet. Erbyn hyn, doedd yr awyr ddim

mor glir a phenderfynom na fyddai'n ddoeth cario ymlaen i geisio mynd i greigiau'r gorllewin. Cario ymlaen i dde Annet felly a chwrdd ag ychydig o forloi. Rhoddais syndod i ddau oedd ddim wedi sylwi arnaf ac a oedd yn torheulo yn y môr. Croeso yn ôl i St Agnes ond mynd i lawr at y traeth mwyaf deuheol.

Gorffwys yno cyn padlo i lan at y gwersyll i godi pebyll.

Dydd Llun: cychwyn gan fwriadu mynd o gwmpas St Mary's. Aethom i'r de yn gyntaf, gwrth glocwedd o gwmpas St Agnes. Roedd Nick ac Owen wedi blino erbyn hyn felly pan gyrraeddom Ynys Gugh aethon nhw y tu mewn i gario dros y bar. Parhaodd Andy a fi ar ein taith o gwmpas Gugh a chwrdd a nhw o flaen y llithrfa at

dafarn. Croesi'r swnd yn ol at St Mary's (tipyn o ymchwydd) a glanio i gael pastai ym Mhorth Cressa. Ymlaen ar hyd ochr ddwyreiniol wedyn. Piciais i i mewn i Borth Helyg am ollygndod,ac wedyn stopion ni i gyd ger Ynys Tolls. Roedd y gwynt wedi cryfhau a chawsom frwydr i gyrraedd Innisidgen, yn erbyn gwynt o gwmpas F6. Penderfynu wedi cyrraedd yno na fyddem yn gallu cario ymlaen. Yn ôl â ni felly, i draeth yr hen Dref, ddim yn bell o dy Mam Andy lle roeddem yn aros.

Dydd Mawrth: rhagolygon am F5-7, weithiau 8. Penderfynon Nick ac Owen y bydden nhw'n cael diwrnod i ffwrdd ac aethon nhw am daith cwch i St Martin's. Padlodd Andy a fi ein cychod ni i'r gorllewin, o gwmpas Garrison Hill i Borth Thomas. Cerdded yn ôl i Draeth yr Hen Dref wedyn i gael y ddau gwch arall: eu padlo at Borth Cressa a'u cario trwy'r dre at yr harbwr. Er gwaetha y rhagolygon roedd y tywydd yn braf o hyd. Penderfynon y dylem badlo'n fwy felly a chroesom draw i ddwyrain Tresco cyn gwyro i'r dwyrain a glanio ar St Martin's ger Lower Town, gyferbyn â Tean. Croesom i Tean wedyn a glanio yno i weld yr adfeilion (tyddynod) cyn croesi wedyn i Saint Helen's a gweld adfeilion y mynachdy yno. Padlo yn ôl i Borth Thomas ar St Mary's wedyn a chael ein gweld gan Nick ac Owen oedd ar eu cwch adre.

Dydd Mercher: rhagolygon am F5-7, weithiau 8 eto (roedd ymddiheuriad, bron, wedi bod ar y VHF y noson gynt am gael y rhagolygon mor anghywir). Y tro yma, roedd hi'n wyntog ger Traeth yr Hen Dre yn y bore, felly aeth Nick i wneud diwrnod o waith ar ei liniadur ac aeth Andy, Owen a fi am daith cwch i Tresco. Gwelsom yr ardd enwog, wedyn gadewais y ddau arall i gerdded gwrth glocwedd o gwmpas yr ynys, i New Grimsby eto lle roedd y cwch i'n codi (er i ni gael ein gollwng ger Crow Point). Ymwelais â Chastell Charles y tro hwnnw.

Dydd Iau: yr un rhagolygon eto,ac yn nes ati, felly dim padlo eto. Cerddais yr holl ffordd o gwmpas St Mary's, yng nghwmni y 3 arall at lle tebyg i Din Lligwy, wedyn gyda Andy a Nick hyd at draeth yr Hen Dre lle arhosodd Nick, wedyn gyda Andy at y dre, ac ar fy mhen fy hun wedyn.

Dydd Gwener: adre - yn ol tua 15.00.

21 Chwefror a'r 1af o Fawrth

2009-03-06T22:48:00.000Z

Dwy daith ar y mor. Ar 21 Chwefror es gyda Rob ac Emlyn. Cychwynnon o Aberogwr tua dwy awr ar ol y distyll. Aethom i gyfeiriad Porthcawl gan gyrraedd y trwyn cyntaf ger Notais ac wedyn dychwelyd gan fynd ychydig heibio i Aberogwr, cyn troi trwy'r syrff i lanio ar lan orllewinol afon Ogwr. Nofiodd Rob ac Emlyn. Collodd Rob ei badl ond achubais y padl o'r dwr ychydig wedyn. Taith braf ond yn dipyn o her newydd i'r ddau arall, gan fod syrff cymhedrol a gwynt yn codi at F4.

Dydd Gwyl Ddewi es gyda'r yr ddau, a Mei, i gwrdd ag Andy, Nick ac Owen, sef y tri y byddaf yn mynd gyda nhw i Ynysoedd y Sili cyn bo hir. Cychwyn o dafarn y Captain's Wife, o gwmpas ynys Sili a lan at drwyn Larnog ac yn ôl. Cychwynnon tua dwy awr ar ol penllanw ac roedd y stopper/ton ger trwyn Larnog yn rhedeg yn dda. Nofiodd Rob eto!

Teithiau hyd yma yn 2009

2009-02-19T22:17:00.000Z

Dydd Calan, yng nghwmi Eurion a Richard Mordey, mewn tywydd oer iawn, taith gylchol o Southerndown, mâs i Graig Tusker, ac yn ôl. Dim ond rhyw 2 awr o daith ond yn fwy o waith na'r disgwyl, gyda'r gwynt yn rhyw F5 yn ein herbyn o Graig Tusker roedd yn rhaid i ni weithio'n galed i gyrraedd y lan ger Aber Ogwr. Dychwelon i dy Eurion wedyn am baned ac i ddadmer.

Taith gyda Colin a Sue E, Mark, Del, John C ac Euros ar Afon Tywi, y rhan gradd 2-3 i lawr at Ddolauhirion. Nofiodd John a Mark!

Taith ar Afon Ogwr, o Felin Ifan Ddu i Sarn (wedi ei chofnodi ar flog Padlwyr y Ddraig http://www.dragon-paddlers.blogspot.com/)

Rhyw 4 taith syrffio i Rest Bay, Porthcawl, gan gynnwys un penwythnos pan es gydag Euros ar y Dydd Sadwrn a'r Dydd Sul.

Dydd Llun 16 Chwefror, taith ar fy mhen fy hun o Rosneigr heibio i Borth Cwyfan i'r penrhyn cyn Aberffraw, ac yn ôl i Rosneigr, rhyw 2 awr a hanner o daith. Ac eithrio tipyn o ymchwydd ger Meini'r Meibion (overfall bach?) roedd y môr yn eitha llonydd, gwynt F2-3 o'r gorllewin.

Teithiau môr

2008-12-09T22:17:00.000Z

Mae gen i ormod o deithiau heb eu cofnodi - gan gynnwys:

taith wyllt i Ynys Echni (7 Hydref 2007! medd blog Eurion: http://beyond-the-break.blogspot.com/2007/10/monkstone-rock-flatholm.html)
o gwmpas Skomer a Skokholm rywbryd ym mis Gorffennaf;
i Ynys Echni ac Ynys Rhonech (ar 8 Mehefin yn ol Eurion ar ei flog). Dyma damaid o fideo dynnodd e ar y ffordd nôl, rhwng y ddwy ynys, a'r gwynt yn cyrraedd F5 ar adegau:);
teithiau yn yr Alban ddiwedd mis Awst (Eskdale, Port Appin, Arisaig), ar draws Môr Hafren o Sin Dunwyd i Porlock Weir ym mis Medi ;
penwythnos yng nghwmi Emlyn ym mis Medi pan wnaethom ddwy daith, y diwrnod cyntaf o Gei Newydd i Aberporth ac wedyn ar y Dydd Sul o Aberporth i Aberteifi;
wythnos ym Mhlas Menai yn hyfforddi am 4* tua 20 Hydref;
ac nawr hon, taith arweiniais yng nghwmni Rob (yn ei bryniant diweddar o Blas y Brenin - Capella 160 plastig glas) ac Emlyn o'r Barri (Bae Jackson) i Drwyn Larnog ac yn ôl. Gadawom tua 12.20, dim ond tua 40 munud cyn penllanw ond yn fuan sylweddolom fod y llanw wedi troi'n herbyn yn barod. Roedd y tywydd yn berffaith nes i ni gyrraedd Trwyn Larnog lle, ar ôl ryw hanner awr, daeth niwl ac rodd hwnna gyda ni, yn cuddio Ynys Sili o'r golwg hyd yn oed nes i ni ddod yn agos at yr ynys. Cliriodd wedyn ac roedd yn braf eto erbyn i ni gyrraedd Bae Jackson eto.

O GPS Emlyn:

Hyd y trip- union 10 milltir Cyflwymdra (cyfartaledd) 2.6m/a Cyflymdra uchaf - 6.9 m/a Amser yn padlo- 3.02.37.

Dydd Sul 16 Medi

2008-11-18T22:47:00.000Z

Yn hytrach na gadael mwy byth o amser i fynd heibio, rywf am gofnodi'r daith ddiweddaraf oll i mi ei gwneud, yng nghwmni y ddau fab hynaf a John C., yn dechrau ar Afon Senni yn Nefynnog i berbran ar Afon Wysg. Dysgais y diwrnod wedyn bod bachgen ysgol o Reading wedi boddi ar Afon Wysg, ger Aberhonni, y diwrnod cynt. A heddiw daeth y BBC ataf i wneud cyfweliad ar gyfer newyddion S4C yn holi fy marn am geufadio ar argae Llyn Brianne, stori a feddiannodd y cyfryngau heddiw am ryw reswm,

Symposium Môr Môn, 3-5 Mai

2008-07-17T23:08:00.000+01:00

Anghofiais gofnodi hwn. Arhosais gyda'r teulu ym Môn ond cwrddais ag Eurion a Jim ym Mhorthdafarch bob dydd. Ar y Dydd Sadwrn, wedi f'ysbrydoli gan eu brwdfrydedd hwy am weithdai'r symposium, ymunais â sesiwn "Incident Management" o dan arweiniad Jeff Allen. Roedd hyn yn cynnwys cwympo i'r dwr mewn gyli er mwyn cael fy nhynnu allan gyda toggle tow, ac ymafer hunan-achub, h.y. mynd mewn i'r ceufad yn y dwr a rolio i fyny (ac wedyn apdlo o gwmpas gyda'r cwch yn llawn dwr). Hwyl fawr. Y ddau ddiwrnod nesaf es gyda'r ddau arall, y ddau dro o SoldiersPoint, Caergybi i Borthdafarch gan chwarae yn nwr gwyllt Ynys Arw. Mae digrifiad llawn ym mlog Eurion:http://beyond-the-break.blogspot.com/2008/05/breaking-in-breaking-out-what.html

Tags: Môn; ceufadio;canwio

Taith i'r Alpau 23-30 Mai 2008

2008-07-17T22:51:00.000+01:00

Rwyf wedi bod yn esgeulus o'r blog yma eto. Fel rhyw baratoad i fynd i'r Alpau es â dau o'r meibion i Afon Tryweryn, tua'r 3ydd o Fai. Mwynhaon ni'n hunain. Hwnnw oedd y tro cyntaf i'r ddau fab fynd ar yr afon. Gwnaethom ddau dro ar ran uchaf yr afon. Aeth yr un cyntaf yn ianw heb broblem ond yr ail dro roedd Mei'n fwy mentrus ond wrth geisio cyrraedd edi cynta'r Fynwent fe drodd drosodd a chafodd taith boenus i lawr - er heb ei anafu'n ddifrifol. Roeddwn i'n teimlo fel newyddian ar yr afon hefyd gan nad oeddwn wedi bod arni ers bron dwy flynedd.

Beth bynnag, taith gyda chanolfan Arthog i alpau'r Swistir oedd bwriad eleni. Fel arfer cwrddais â nhw yn Dover a dalion ni'r llong tua y bore. Y cwmni y tro hwn oedd Andy, Karl a Louise, Dan - hyfforddwr llawrydd gydag Arthog, Kier - bachgen 26 oed o Awstralia, a Paul, trysorydd clwb canwio Marlow.

Ymddiheuriadau am y newid iaith, ond isod mae darn o e-bost anfonais at Badlwyr y Ddraig ar ôl i mi ddychwelyd:

I was meant to be kayaking in
the Swiss Alps last week but when paddling on the
Dranse in the French Alps our minibus was broken into,
and our leader lost his passport and money (and me
just a bag) so we had to stay in the French Alps. One
of those on the trip - Paul Crichton from Marlow Canoe
Club knew some of you - though John O'Connell was the
only name he remembered. The middle section of the
Dranse (Grade 3=+) was nice - a bit like the best
sections of the Upper Wye. On two runs I capsized in
exactly the same place - but rolled both times. It
wasn't serious anyway at that point. The water level
was medium high but rising - and chocolate coloured.

On Monday we then moved to the Isere where the water
was much higher - bank full and dark grey chocolate.
The run we did on the first day (Grade 3 normally) was
about 5km - and took less than 30 mins. It was
stonking. Easy paddling - although one swimmer and
boat travelled maybe 2km before being caught. Around 3
eddies in the 5km.

2nd day on the Isere saw the same conditions. I
attempted the national slalom course before tripping
on about the 3rd eddy - 1st roll attempt just failed
as I went down a shoot as I came up - two further
attempts were miserable and I took a massive swim. Two
throw lines fell short so I was down about 200m of
Grade 4. Boat again travelled 2km.

Moved to the Severaisse for Wednesday. This was twice
as steep: 20 m/km gradient. Again the bit we did was
graded 3 normally. Actually it was still pretty easy,
just very fast with virtually no eddies. Again around
4 to 5 km long, it took less than 30 mins. An
adrenalin packed run, we did it twice.

On Thursday morning we ran the Drac Blanc. This was
even steeper than the Severaisse: 26m/km with long
sections like Tryweryn's ski slope. The river bed was
wide and although there was a lot of water the river
only filled a small part of the bed so generally it
was very shallow with plenty of broaching potential.
The river was dark grey and thundering - the rocks
under the river making a continuous deep rumbling
noise as they were tumbled by the water. The guide
(http://www.zsplat.freeserve.co.uk/canoe/southern5.html)
notes it wouldn't be funny to swim and when I capsized
I was more scared in a river than I've ever been
before. Where I went over though was the section with
the roughest - and importantly deepest water - and, as
our leader said, I pulled the roll (a reverse screw if
you want to know) of my life. I wouldn't have drowned
but I would have had an extremely long and very rough
swim. An incredibly exciting run which again only took
about 30 mins. max.

As we got off the river, we were told by a man that
they were about to blast a chunk of the the mountain
alongside and that we must not kayak. He said kayaking
was banned! Just after that, we met another group of
kayakers from Britain who confirmed his story:
kayaking in the area had been banned since Monday
because of the high water levels which had already
drowned one kayaker and some others. We'd obviously
avoided the worst of the water.

Naturally, we then moved to the river Buêch near Gap
and did another section - really only Grade 2 but
virtually in flood. A JCB was pulling some trees out
at one point. One of our group who was having a hard
time was nearly arrested when, having withdrawn from
the trip, he was spotted on the river bank.

Thousands of miles travelled for relatively little
time on the water, but an experience. Big boats ruled
by the way: we had 5 Burns, an Eskimo Salto, and my
Jefe.