Tuesday, January 18, 2011
Afon Ysgir, Dydd Sul, 16 Ionawr
Taith dda yng nghwmni John C, Emlyn, Gareth, Colin a Sue E. Cododd y dŵr yn ystod y daith o 4 i 4.5 ar y mesurydd wrth y gored. Tua'r lefel isaf dderbyniol yw hon. Rhoddon ni i mewn ym Mhontfaen, fel arfer a theithio i lawr i Afon Wysg i orffen yn Aberhonddu. Cymerodd y daith tua 2 awr a chwarter. Nofiodd Emlyn a bu bron i mi gael fy llyncu gan stoper ond heblaw am hynny, di-ddigwyddiad oedd y daith. Stopion ni yn Nhai'r Bull am beint wedyn.
Afon Honddu, Sadwrn 8 Ionawr
Cofnodais y daith hon ar flog Padlwyr y Ddraig: http://dragon-paddlers.blogspot.com/2011/01/afon-honddu-saturday-8-january-2011.html
Friday, January 7, 2011
Bae Dwnrhefn, Dydd Sadwrn (Calan), 2011
Cwrddiais ag Eurion a Chris C. eto, a phadlo a "Nige" am y tro cyntaf. O gwmpas 8 gradd yn yr awyr a'r dwr, a'r tonnau'n eithaf bach ac anfynych - ond hynny'n fy siwtio i'r dim. Synnais fy hun wrth aros ar y dwr mor hir â phawb arall, ryw 90 munud, er fy mod wedi diodddef o'r cwlwm gwythi o fewn cwta 10 munud pan droes drosodd a gorfod rolio.
Thursday, December 30, 2010
Afon Taf, Dydd Iau 30 Rhagfyr
Roeddwn yn falch o gael cwmni John C fel y gallwn fynd ar afon heddiw a dewisom Afon Taf gan fod y ddau ohonom yn ddiegni. Roedd lefel y dŵr yn rhesymol - ychydig yn uwch na chymedr y gaeaf, 5 isaf ar fesurydd cored Abercynon. Wedi gweld glas y dorlan a chrehyrod di-ri.
Sunday, December 12, 2010
Swanbridge-Penarth, Dydd Sul 12 Rhagfyr 2010
Yng nghwmni Rob y tro hwn. Ein bwriad oedd mynd i Ynys Echni ond pan gyrhaeddom Swanbridge roedd yr ynys newydd ddiflannu o'r golwg yn y niwl. Gan fy mod yn cofio fod swyddfa'r tywydd wedi rhybuddio y gallai niwl bara drwy'r dydd penderfynom beidio â mentro. Aethom i Benarth: 1 awr 15 munud yno, 30 munud yn ôl. (Roedd y gwynt yn ysgafn F2 ar ein cefnau ar y ffordd yn ôl ond mae'n debyg mai'r llanw oedd y prf ddylanwad).
Afon Wysg, Dydd Sul 20 Tachwedd
O Dal-y-bont ar Wysg i Grughywel y tro hwn yng nghwmni John C, Gareth, Emlyn, Colin a Sue, Alan Brown a Jeff Lister. Lefel y dŵr yn dda, tipyn yn uwch na chymedr y gaeaf on ddim mor uchel fel bod nodweddion goraur afon wedi golchi allan. Peint dymunol yn nhafarn y Bridge wedyn.
Subscribe to:
Posts (Atom)
